PETER I 1:11 - Thuhun Thah (BSI)

¹¹ Khrist thuaahna leh, a nung a hung jui diing loupina thu ana ma heetsah laiun, Khrist Hagau amah va um in bangchihlai hun ahiai, ahihlouhleh bang tobang hunin ahiai a heetsah chih hawldoh tum in.

PETER I 1:11 Iomraidhean Croise

MATTHAI 26:24

Mihing Tapa chu a tanchin kigial bang jelin a pai diing ahi; hizongleh mihing Tapa mansah diingpa tung a gih hi! hupa chu ana pianglou hileh amah diingin a hoihzaw diing hi, a chi a.

LUKE 24:44

Huleh ama’n a kawmvah, Mosi daan leh zawlneite lehkhabu leh psalm bu-a ka tungtaang kigial zousiah ahung taangtun diingdan nang u’toh ka umkhawm laia na kawmva ka thusoite chu hihaw ahi, a chi a.

JOHN 12:41

Hi thute chu Isaiah in a loupina a muh laia a soi ahi a, huleh a tungtaang thu a soi na ahi.

SILBAWLTE 16:7

Misia gam kawm a tun un, Bithinia gam a luut a tum va; hizongleh, Hagau in a phal sih hi.

ROMETE 8:9

Hizongleh Pathian Hagau nanguh a a um tahzet inchu tahsa a um na hi sih va, Hagaua um na hi zaw uhi. Ahiinlah mi koipouh Khrist Hagau nei lou chu amah a ahi sih hi.

GALATIATE 4:6

Huleh ta na hih jiahun Pathian in a Tapa Hagau chu, Abba, Pa, chia kikou in na lungtang vah ahung sawlkheta hi.

PETER II 1:21

Ajiahchu thusoilawh himhim nidanglaiin mihing deihdan a pawt ahi sih a, Pathian misiangthoute’n Hagau Siangthou phuut ahih bang jelun ana soi uh ahi zaw hi.

THUPHUANDOH 19:10

Huleh amah be diingin a keengbulah ka puuh a. Huin ama’n ka kawmah, Hung be hial sin; kei chu na suaah tanpih leh Jesu heetpihna thu nei, na unaute laha ka hi; Pathian bia in; ajiahchu Jesu heetpihna chu thusoitheihna hagau ahi, a chi hi.