PETER I 1:10 - Thuhun Thah (BSI)

¹⁰ Hu hutdamna thu chu, na kawmva hehpihna hung tung diing thu na soilawh zawlneite’n a kan va, phatuamngaitahin a hawldoh uh;

PETER I 1:10 Iomraidhean Croise

MATTHAI 13:17

Ajiahchu, chihtahzetin ka kung hilh ahi, zawlnei tampi leh midihtat tampi in zong na sil muhte uh muh a ut va, ahihvangin a mu sih uh; huleh na sil jahte uh zong a ja nuam va, hizongleh a ja sih uhi.

MATTHAI 26:24

Mihing Tapa chu a tanchin kigial bang jelin a pai diing ahi; hizongleh mihing Tapa mansah diingpa tung a gih hi! hupa chu ana pianglou hileh amah diingin a hoihzaw diing hi, a chi a.

LUKE 10:24

Ajiahchu ka hung hilh ahi, zawlnei tampi leh kumpi tampite’n na sil muhte uh muh ana ut va, hizongleh a mu sih uh, huleh na jahte u’zong jah ana ut va, hizongleh a ja sih uh, a chi hi.

LUKE 24:44

Huleh ama’n a kawmvah, Mosi daan leh zawlneite lehkhabu leh psalm bu-a ka tungtaang kigial zousiah ahung taangtun diingdan nang u’toh ka umkhawm laia na kawmva ka thusoite chu hihaw ahi, a chi a.

JOHN 5:39

Pathian lehkhathu na sim ngun ngeeluh; ajiahchu hute sungah kumtuang hinna nei in na kingaihmah uh; hute chu ka tanchin heetsahna ahi.

JOHN 7:52

Amahun a dawng va, a kawmah, Nang zong Galili mi na hia maw? Hawl inla, en in, ajiahchu Galili gam ah zawlnei himhim a piang ngei sih hi, a chi va.

SILBAWLTE 10:43

Kuapouh Amah gingta in a min jalin sualnate ngaihdamna a mu diing uh chih a tanchin chu zawlnei zousiah in ana heetsah sa uh ahi, a chi a.

SILBAWLTE 17:11

Hu mite chu Thessalonika khua a mite sangin ana hoihzaw va, lungsim kipaahtahin thu chu a pom va, a thusoi uh chu a dih leh dihlouh heetna diingin, nichinin Pathian lehkhathu ah a hawl veu uhi.

SILBAWLTE 28:23

Huleh ni a guat va, hu a tunni in a kawmah mi tampi ahung va; jingkala kipat nitaahlam dongin a kawmvah Pathian gam thu hilhchianin a hesah a, Mosi daan lehkhabu thu leh zawlneite lehkhabu thuin, Jesu lamah amahuh a zawlzawl hi.

SILBAWLTE 7:52

Na pulepate un zawlneite laha kua ahiai a suhduhdah louh uh um? huleh Mi dihtah hung diing thu soilawhte chu a sulum va; hu Midihtah mansahtu leh thattute tuin, nanguh ngei na hi uhi.

HEBRAITE 11:13

Hutehaw zousiah chu ginna nei in a sita va, silchiamte chu tang louin, hizongleh gamlatah apat gaalmuh in a pomkip va, leitung ah chu mikhual leh khualzin ahi uh chih ana phuangta uhi,

HEBRAITE 11:40

Ajiahchu eihaw tellou a amahuh suhbukim a, a umlouhna diingin Pathian in eihaw diingin sil hoihzaw khat guatsa in a koih hi.

PETER I 1:11

Khrist thuaahna leh, a nung a hung jui diing loupina thu ana ma heetsah laiun, Khrist Hagau amah va um in bangchihlai hun ahiai, ahihlouhleh bang tobang hunin ahiai a heetsah chih hawldoh tum in.

PETER I 1:13

Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;