MATTHAI 8:4 - Thuhun Thah (BSI)

⁴ Huleh Jesu’n a kawmah, Koimah na hilh louh diing ahi; hizongleh chiah inla siampu va kimusah in, huleh amahuh heetsahna diing a Mosi’n thu a piah sillat ding chu va pia in, a chi hi.

MATTHAI 8:4 Iomraidhean Croise

MATTHAI 10:18

Huleh keimah jiahin gamoptute leh kumpite ma ah, amah uh leh Jentelte heetsahna diingin ahung pui diing uhi.

MATTHAI 16:20

Huin Khrist ahi chih koima hilhlou diingin a nungjuite dettahin thu a pia hi.

MATTHAI 17:9

Huleh taang apata ahung kumsuh un, Jesu’n amahuh thu a pia a, Mihing Tapa misi lah apat a thoh kiit masangsiah hi na sil muh uh koimah hilh sih un, a chi a.

MATTHAI 3:15

Huleh Jesu’n a dawng a, a kawmah, Tuin chu huchih diing lemsa haam in; ajiahchu huchibanga dihtatna zousiah bawl bukim chu ei diing a kilawm ahi, a chi a. Huin lem a sata hi.

MATTHAI 5:17

Daan thu aha, zawlneite thu aha sumang diing a hung ahi chi'n hung ngaihtuah sih un; a sumang diing a hung ka hi sih a, sutaangtung diing a hung ka hi zaw hi.

MATTHAI 6:1

Na sil hoih bawlte uh mi muh diing a, a ma va bawl lou diingin pilvaang un; huchilou inchu na Pa uh vaan a um kawmah muh diing kipaahman na nei sih diing uh.

MATTHAI 9:30

Huin a mit uh ahung vaahta a; huin Jesu’n koima hesah lou diingin amahuh a khap a.

MARK 13:9

Hizongleh kipilvaang un; ajiahchu vaihawmtute khutah ahung pedoh diing va, kikhopna innte ah ahung vo diing va; huleh keimah jiahin houtute leh kumpite ma ah amah uh heetsahna diingin a hung kipui diing hi.

MARK 3:12

Huleh ama’n a tanchin phuangdoh lou diingin amahuh a khap chat hi.

MARK 5:43

Huleh ama’n a kawmvah hi thu koimah in a heet louh diing a chi tinten a; Huleh amahnu chu neeh diing bang aha piah diing thu a pia hi.

MARK 6:11

Huleh koi hizongleh ahung tunsah louh va, na thu u’zong a ngaihkhiah louh uleh hu apat na pawt chiangun amah uh heetsahna diingin na keengtaw va leivui thingkhia un. Chihtahzetin ka hung hilh ahi, Vaihawmni chiangin hu khua thuaah diing sangin Sodom leh Gommorrah thuaah chu a dan a um zaw diing, a chi a.

MARK 7:36

Huleh ama’n koimah hilh lou diingin amah uh a khap a; hizongleh a khap nah pouh leh a soi phuang zaw sem uhi.

MARK 8:30

Huleh ama’n a tanchin koimah hilh lou diingin amahuh a khap a.

MARK 9:9

Huleh taang apat ahung kumsuh laiun, mihing Tapa misi laha kipan a thohkiit masiah a sil muhte uh koimah hilh lou diingin a khap chat hi.

LUKE 17:14

Huleh amahuh a muh tahin ama’n a kawmvah, Chiah unla, siampute va kiensah un, a chi a. Huleh hichi ahung hi a, a chiah laiun ahung siangthouta uhi.

LUKE 21:13

Huleh hichu nanguh diingin heetsahna ahi diing.

LUKE 4:41

Huleh dawite zong, Nang Khrist, Pathian Tapa na hi, chi a kikou in mi tampite sung apat ahung pawtdoh uhi. Huleh ama’n amahuh a tai a a haam diing uh a phalsah sih hi; ajiahchu Khrist ahi chih a he uhi.

LUKE 5:14

Huleh ama’n a kawmah, Koima hilh sin; hizongleh va chiah inla, siampu kawmah va kilah in; huleh amahuh heetsah na diingin Mosi thupiah bangin, sianhonna diingin sil va laan in, chi'n thu a pia a.

LUKE 8:56

Huleh a nu leh a pa’n limdang a sa mahmah va; hizongleh hu sil kibawl chu koimah hilh lou diingin ama’n amahuh a khapta hi.

LUKE 9:21

Huleh ama’n hu thu chu koimah hilh lou diingin amahuh a khapta hi,

JOHN 5:41

Mihing paahtawina ka pom sih hi.

JOHN 7:18

Koipouh amah phuaahthuh thusoi chu amah kipaahtawina diing hawl ahi; hizongleh koipouh a sawlpa paahtawina diing hawl chu, amah ngei chu mi dih ahi a, amah ah dihtat louhna himhim a um sih hi.

JOHN 8:50

Keimah loupina diing chauh ka hawl sih; a hawl leh vaihawmtu khat a um hi.