MATTHAI 6:9 - Thuhun Thah (BSI)

⁹ Huleh nanguh chu hichibangin haamtei un: Ka Pa uh vaan a um, na min kizahtaat heh.

MATTHAI 6:9 Iomraidhean Croise

MATTHAI 10:29

Kawlgit nih paisa khat in a kizuah veu hilou maw? ahihvangin a lahva khat zong na Pa uh heet louhin tual ah a ke sih diing hi.

MATTHAI 23:9

Huleh leitung ah koimah pa chi sih un; ajiahchu na Pa uh khat ahi a, vaan a um chu.

MATTHAI 26:29

Hizongleh ka hung hilh ahi, Ka Pa gam a nanguh toh a thah a ka dawn ni a tun masiah, tukal hi grepgah tui ka dawn kiit nawn sih diing hi, a chi hi.

MATTHAI 26:42

A nihveina ah ava chiah kiit a, Aw Pa, ka dawn louha hi nou in hung peel thei lou ahihleh, nang thuthu hita heh, chi'n a haamtei a.

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

MATTHAI 5:48

Hujiahin vaan a um na Pa uh a hoihbukim mah bangin nanguh zong hoihbukim un.

MATTHAI 6:14

Mi a tatsualnate uh na ngaihdam uleh, na Pa uh vaan a um in zong nanguh ahung ngaidam diing hi.

MATTHAI 6:6

Hizongleh nang chu na haamtei chiangin na pindan sungah luut inla, na kot khaah inla, a guuha um na Pa kawmah haamtei in; huchi'n na Pa a guuha hung mupa in phuanglaahtahin ahung dit diing hi.

MATTHAI 7:11

Huchi ahihleh, nanguh migilou in bawn na tate uh sil hoih piahna taang na heet un chu, na Pa uh vaan a um in a kawma ngente sil hoih petham lou diing ahiai mah?

LUKE 15:18

Ka thou diing a, ka pa kawmah ka chiah diing a, a kawmah, Pa, vaan a tungah leh nangmah mitmuh in sil ka bawl sualta;

LUKE 15:21

Huin a tapa’n a kawmah, Pa, vaan a tungah leh nangmah mitmuh in sil ka bawl sualta; na tapa chihtaah zong ka hi nawn sih, a chi a.

LUKE 2:14

Tungnungpen ah Pathian loupitahin um henla, leitung a a kipaahpih mihingte lahah lemthu leeng heh, chi'n.

JOHN 20:17

Jesu’n a kawmah, Hung khoih sin; ajiah chu ka Pa kawmah ka chiahtou nai sih hi. Ahihvangin ka unaute kawmah chiah inla, a kawmvah, Ka Pa, na Pa uh, huleh ka Pathian, na Pathian uh kawmah chiahtou diing ka hi chi in, a chi a.

ROMETE 1:7

Pathian deihtah, misiangthou hi diinga kouh, Rome khua a um zousiahte kawmah; i Pa uh Pathian leh Lalpa Jesu Khrist kawma kipan hehpihna leh hamuanna na kawmvah um hen.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

GALATIATE 1:1

Paul, sawlleh, (mihing apat hilou, mihing vanga zong hilou, Jesu Khrist leh Pa Pathian, misi lah akipana amah kaithoutu vang a hizaw) in,

GALATIATE 4:6

Huleh ta na hih jiahun Pathian in a Tapa Hagau chu, Abba, Pa, chia kikou in na lungtang vah ahung sawlkheta hi.

TIMOTHI I 6:16

Amah chauh in sihtheih louhna a nei a, koimah naih theih louh vaah ah a um a, amah chu koima’n a mu ngei sih a, mu zong a muthei sih hi; amah kawmah kumtuang loupina leh silbawltheihna um hen. Amen.

PETER I 1:17

Huleh deihsahtuam nei lou a mi chin a natoh dungjui a vaihawmsahtu chu Pa chia kouna hih uleh, hitaha na vaithaam lai hun uh laudan siam in zang un:

THUPHUANDOH 4:11

Aw Lalpa, Nang chu loupina leh zahbawlna leh thuneihna tangtaah na hi; ajiahchu nangma’n sil zousiah na siam a, huleh nang deihzawng a um leh siam ahi uh, a chi uhi.

THUPHUANDOH 5:12

Thah a um Belaamnou chu thuneihnate, hauhsatnate, pilnate, thahaatnate, paahtawinate, loupinate leh vangpiahnate tangtaah ahi, chia aw ngaihtaha kikou in.