MATTHAI 6:5 - Thuhun Thah (BSI)

⁵ Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

MATTHAI 6:5 Iomraidhean Croise

MATTHAI 21:22

Huleh bangkim gingta a haamteia na nget u’chu na mu diing uhi, a chi hi.

MATTHAI 23:13

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi.

MATTHAI 23:5

Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh;

MATTHAI 23:6

Huleh ankuang luinate ah mun saangpen, huleh kikhopna inn ah touna hoihpen bang a deih uh,

MATTHAI 6:1

Na sil hoih bawlte uh mi muh diing a, a ma va bawl lou diingin pilvaang un; huchilou inchu na Pa uh vaan a um kawmah muh diing kipaahman na nei sih diing uh.

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:2

Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 9:38

Hujiahin a buh la diing a natongtute hung sawldoh diingin buh Neitupa kawmah ngen un, a chi hi.

MARK 11:25

Huleh haamtei a na din chiangun, koi tung hitaleh thupoi bang aha na neih unchu ngaidam un; na pa uh vaan a um in zong na tatsualnate uh ahung ngaihdam theihna diingin.

MARK 12:38

Huin ama’n a thuhilhna ah a kawmvah, Lehkhagialtute lahah kiveeng un, amahuh chu puantual silh a vaah, huleh dawl muna chibai buuh bang a ut uh.

LUKE 11:43

Nanguh Pharisaite, na tunguh a gih hi! ajiahchu nangun kikhopna inn ah touna hoihpen pente leh dawlmuna mi’n chibai ahung buuh diing na deih uh.

LUKE 18:1

Huleh ama’n mihingte’n lungke loua a haamtei zing diing uh ahi chih heetna diingin a kawmvah tehkhinthu khat a soi a;

LUKE 18:13

Huleh siahdongtu chu gamlataha dingin, vaanlam zong a en ngam sih a, himahleh, Pathian, kei misual tungah zahngai in, chi'n a awm a tuum a.

LUKE 20:47

Meithaite innsung a negam va, mi heemna in sawtpipi a haamtei uh; huchibang mite’n chu siamlouh a hahtan sem diing uhi, a chi a.

LUKE 6:24

Hizongleh nanguh mihausate na tunguh a gih hi; ajiahchu nangun na hamuanna uh na mu zouta uhi.

JOHN 16:24

Tutanin ka minin bangmah na ngen nai sih uh; ngen un, na mu diing ah, na kipaah uh a kimna diingin.

EPHESITE 6:18

Haamteina leh ngetna chintengin bangchihlaipouhin Hagau a haamtei zing a um in, hulam pangah chu misiangthoute zousiah diingin thuaah haatna leh ngetsahna toh ngaihsah zing in um un.

THESSALONIKATE I 5:17

Tawplou in haamtei un.

JAKOB 4:6

Hihmalahin hehpihna tamsem ahung pia hi. Hujiahin Pathian lehkhathu in, Pathian in mi kisatheite a doudaal a, kingaingiamte kawmah hehpihna a pe veu hi, a chi hi.