MATTHAI 6:4 - Thuhun Thah (BSI)

⁴ Huchi’n na silpiah chu a guuhin a um thei diing a; huleh na Pa a guuha hung mupa in phuanglaahtahin ahung dit diing hi.

MATTHAI 6:4 Iomraidhean Croise

MATTHAI 10:42

Huleh koipouh hi mi neutahte laha khat nungjui ahih jiaha tuisih nou khat chauh pia in zong, chihtahzetin ka hung hilh ahi, a kipaahman muh diing chu a taan hial sih diing hi, a chi hi.

MATTHAI 6:18

Huchi'n na Pa a guuha um mitmuh ah loungal mihing mitmuh a angawl na bat louhna diingin; huleh na Pa a guuha hung mupa in phuanglaahtahin ahung pethuh diing hi.

MATTHAI 6:3

Hizongleh nang chu mi kawma sil na piah chiangin, na khut jiatlam hih chu na khut veilam hesah sin:

MATTHAI 6:6

Hizongleh nang chu na haamtei chiangin na pindan sungah luut inla, na kot khaah inla, a guuha um na Pa kawmah haamtei in; huchi'n na Pa a guuha hung mupa in phuanglaahtahin ahung dit diing hi.

LUKE 14:14

Huchi'n na hampha diing hi; ajiahchu amahun ahung thuh zou sih diing va; midihtatte thohkiit chiangin thuh in na um diing hi, a chi hi.

LUKE 8:17

Ajiahchu kiphuang lou diing a iim bangmah a um sih a, huleh heet louh diing leh kilang lou diing a phual zong bangmah a um sih hi.

KORINTHTE I 4:5

Hujiahin a hun ma in, Lalpa hung masiahin, bangmah enkhe sih un, ama’n chu mial a sil kiphualte vaah ah ahung podoh diing a, huleh lungtang a ngaihtuahte zong ahung sulang diing hi; hu hun chiangin michin in Pathian phatna a tang chiat diing uhi.

HEBRAITE 4:13

Silsiam khat mah amah mitmuha kilang lou mawngmawng a um sih a; a kawma i tanchin i tutna diingpa mitmuh a’chu bangkim saguah leh kihongsa ahi.

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,

THUPHUANDOH 2:23

Huleh a tate chu sihna in ka that diing a; huleh kouhtuam zousiah in kei chu lungsimgil leh lungtang hawlpa ka hi chih a he diing uh; huleh na bawnun na natoh dungjuiun ka hung pe chiat diing hi.