MATTHAI 6:3 - Thuhun Thah (BSI)

³ Hizongleh nang chu mi kawma sil na piah chiangin, na khut jiatlam hih chu na khut veilam hesah sin:

MATTHAI 6:3 Iomraidhean Croise

MATTHAI 12:19

Ama’n chu a nial sih diing a, a kikou sih diing; mi koimah in kholai dungah a aw a ja sih diing uh.

MATTHAI 6:2

Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 6:4

Huchi’n na silpiah chu a guuhin a um thei diing a; huleh na Pa a guuha hung mupa in phuanglaahtahin ahung dit diing hi.

MATTHAI 8:4

Huleh Jesu’n a kawmah, Koimah na hilh louh diing ahi; hizongleh chiah inla siampu va kimusah in, huleh amahuh heetsahna diing a Mosi’n thu a piah sillat ding chu va pia in, a chi hi.

MATTHAI 9:30

Huin a mit uh ahung vaahta a; huin Jesu’n koima hesah lou diingin amahuh a khap a.

MARK 1:44

Huleh a kawmah, En in, koimah kawmah bangmah soi het sin; hizongleh chiah inla, siampu kawmah va kilah inla, na damsiang thu amah uh heetsahna diingin Mosi’n thu a piah silte va laan in, a chi a.

JOHN 7:4

A minthanna diing bawl ngalin koima’n sil bang aha a guuhin a bawl ngei sih hi. Hi silte bawl na hihleh khovel kawmah kimusah in, a chi va.