MATTHAI 6:2 - Thuhun Thah (BSI)

² Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 6:2 Iomraidhean Croise

MATTHAI 15:7

Nanguh milepchiahte aw, Isai in, na tungtaang thu uh ana soilawh kha ngeel hi.

MATTHAI 16:3

Huleh jingkal chiangin, tuni’n khua a se diing hi’nte mei san a suaah a, a ngiamkai, na chi veu uhi. Nanguh milepchiahte aw, vaan umdan na hesiam va; hizongleh hun chiamchihna na he sih uh.

MATTHAI 22:18

Hizongleh Jesu’n a lungsim uh giit louhdan chu a he a, Milepchiahte, bang diinga hung ze-et na hi viai?

MATTHAI 23:5

Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh;

MATTHAI 23:6

Huleh ankuang luinate ah mun saangpen, huleh kikhopna inn ah touna hoihpen bang a deih uh,

MATTHAI 24:51

Huleh amah chu tum nih suah in, milepchiahte tan bang a tangsah diing a; huah chu kah leh hagawi a um diing hi.

MATTHAI 5:18

Chihtahzetin na kawmvah ka soi ahi, Vaan leh lei a man masiah daan thu a sutvom neucha aha, thaivom neuchakhat zong a mang sih diing, a bawn a, a taangtun kim masiah in.

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:3

Hizongleh nang chu mi kawma sil na piah chiangin, na khut jiatlam hih chu na khut veilam hesah sin:

MATTHAI 6:5

Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

MATTHAI 7:5

Nang milepchiah, nangmah mit apat innkam chu lakhe masa in; huchi’n na unau mit a chiangthem laahdoh diing chu na muchian thei diing hi.

MARK 12:39

Huleh kikhopna inn a touphah hoihpen leh, gual vaahna a mun hoihpen bang a ngaina biih uhi.

MARK 7:6

Huin ama’n a dawng a, a kawmvah, Isaiah in nanguh milepchiahte thu ana soilawh dihten hi, Hi mite’n a muuh un ahung paahtawi va, hizongleh a lungtang uh kei apatin a gamla hi.

LUKE 11:41

Hizongleh na sil neihte uh migentheite kawmah pezaw un; huleh ngai un, sil zousiah nanguh diingin a siang hi.

LUKE 11:43

Nanguh Pharisaite, na tunguh a gih hi! ajiahchu nangun kikhopna inn ah touna hoihpen pente leh dawlmuna mi’n chibai ahung buuh diing na deih uh.

LUKE 12:33

Na neih pouh uh zuah unla, migentheite kawmah pia un; vaan ah guta chiah louhna leh, leikha neehsiat louhna ah, dangka ip lui thei lou leh gou sethei lou kikhol zaw un.

LUKE 12:56

Nanguh milepchiahte Aw, vaan leh lei umzia lah na hesiam va, bang diinga tulai hun umzia hesiam lou na hi viai?

LUKE 13:15

Huphetin Lalpa’n amah a dawng a, Nang milepchiah, khawlni in na bawng uh aha, na sabiltung uh aha, a khihna apat suut in tui dawnsah diingin na puikhe veu uh hilou ahiai mah?

LUKE 20:46

Puannaah tual silha vaah uh, dawlmunte-a chibai buuh bang, kikhopna inn a touna hoihpente leh gual vaahna a mun hoihpente tan ngaina lehkhagialtute lahah kiveeng un.

LUKE 6:24

Hizongleh nanguh mihausate na tunguh a gih hi; ajiahchu nangun na hamuanna uh na mu zouta uhi.

LUKE 6:42

Nangmah mit a innkam mu loupi a, na unaupa kawma, Unaupa, na mit a niinthem um hung lakhesah in, bangchi a chithei na hiai? Nang milepchiah, na mit a inkam um chu lakhe masa in, huchileh na unaupa mit a niinthem laahkhiah diing chiantahin na mu thei diing hi.

JOHN 13:29

Ajiahchu a lahva khenkhat in, Juda in dangka ip a kol jiaha Jesu’n a kawma, Gual vaahna a i mamoh diing silte lei in, chi aha, ahihlouhleh tagahte kawma bang aha khat a piah diing chi ahain a ngaihtuah uhi.

JOHN 5:41

Mihing paahtawina ka pom sih hi.

JOHN 5:44

Nanguh, khat leh khat kipaahtawituahna ngaina a, Pathian chauh a kipan a hung pawt paahtawina hawl loute’n bangchi’n na gingta thei diviai?

JOHN 7:18

Koipouh amah phuaahthuh thusoi chu amah kipaahtawina diing hawl ahi; hizongleh koipouh a sawlpa paahtawina diing hawl chu, amah ngei chu mi dih ahi a, amah ah dihtat louhna himhim a um sih hi.

SILBAWLTE 10:2

Pathian ngaihsahmi ahi a, a innkuante zousiah toh Pathian laudan a siam va, mite kawmah sil tampi a pia a, huleh, Pathian kawmah zong a haamtei zing hi.

SILBAWLTE 10:31

Huleh Kornelia, na haamteina jahin a umta, mi kawma na silpiah zong Pathian in a he zing hi.

SILBAWLTE 10:4

Huin, Kornelia in amah a et leh, a lau a, Lalpa, bang ahitai? a chi a. Huin, angel in a kawmah, Na haamteinate leh na silpiahte heet zing diingin Pathian ma ah ahung tung touta hi.

SILBAWLTE 11:29

Huin nungjuite’n a ngaapdan chiat un, Judia gam a unau umte kawmah panpihna thot a tum uh;

SILBAWLTE 24:17

Tuin, kum tampi nungin ka namte uh kawma silpiah diing leh ganthah diing hung kengin ka hung a.

SILBAWLTE 9:36

Huleh, Joppa khua ah a min Tabitha kichi nungjui khat a um a, (Tabitha umzia chu Dorka ahi) hi numei in silbawl hoih leh silpiah a hau mahmah hi.

ROMETE 12:8

Hasottu in zong hasot jel henla; sil petu in it hetlouin pia heh; vaihawmtu in taimatahin hawm heh; mi khotuahtu in kipaahtahin khotuah heh.

KORINTHTE I 13:3

Huleh ka neih zousiah migentheite vaahna diingin peveh in, huleh ka sapum haaltum diingin pe ngam mah zong leng, lungsiatna ka neih louh inchu bangmah a phatuam sih hi.

GALATIATE 2:10

Migentheite ka heet zing uh a deih va, huchu ke’n zong bawl ka tup zing mawng ahi.

EPHESITE 4:28

Guta in gu nawn sih henla, tasam kawm a piah diing a neih theihna diingin, a khuta sil hoih bawl in tonggim zaw heh.

THESSALONIKATE I 2:6

Khrist sawllehte ka hihna un thuneihna zang thei hi zongle ung, mihing tung leh, nanguh tung leh, midangte tungah zong, paahtawina ka hawl ngei sih uh.

TIMOTHI I 6:18

Sil hoih bawl diingin, silhoih bawl hau diingin, silphal diingin, kihop ut diingin;

PHILEMON 1:7

Ajiahchu na lungsiatna ah nuamna leh hehnepna loupitah ka nei uhi, bang jiahin ahiai i chih leh nangmah jiahin misiangthoute lungtang a halhta hi, unaupa.

HEBRAITE 13:16

Hizongleh sil hoih bawl leh silphal chu mangngilh sih un, ajiahchu huchibang kithoihnate ah Pathian a kipaah mahmah hi.

PETER I 4:11

Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.