MATTHAI 5:9 - Thuhun Thah (BSI)

⁹ Lemna siamtute a hampha uhi; Pathian tate chih a um diing ahih jiahun.

MATTHAI 5:9 Iomraidhean Croise

MATTHAI 5:45

Huchi'n na Pa uh vaan a um tate na hi thei diing uhi; ajiahchu ama’n migiloute leh mihoihte tungah a ni a suaahsah a, huleh midihtatte leh midihtatloute tungah zong guah a zusah hi.

MATTHAI 5:48

Hujiahin vaan a um na Pa uh a hoihbukim mah bangin nanguh zong hoihbukim un.

LUKE 20:36

Amah u’chu si zong a sithei nawn sih uh; ajiahchu angelte bang ahi va; huleh thohkiitna tate ahihjiahun Pathian tate ahi uh.

LUKE 6:35

Hizongleh nangun chu na meelmate uh lungsiat unla, hoih bawl un, bangmah muh kiit kinem louin thunglaahsah un; huchi leh na kipaahman uh a loupi diing a, Tungnungpen tate na hi diing uhi; ajiahchu ama’n kipaahnadan heloute leh migiloute a hehpih veu hi.

SILBAWLTE 7:26

Huleh, a jingin a lahva mi nih a kisual laiun a kawm uh ahung tunga, Pute, unau na vevua; bang diinga dihloutaha kibawl na hi viai? chi'n lep a tum a.

ROMETE 12:18

Ahihtheih inchu, na thu va ahihtheih laisiah mi zousiah toh kituaahin um un.

ROMETE 8:14

Ajiahchu Pathian Hagau puia um photmahte chu Pathian tate ahi uhi.

ROMETE 8:16

Hagau ngei in eimah hagau toh Pathian tate i hi chih ahung hesah hi.

ROMETE 8:19

Ajiahchu silsiam zousiah in kinem mahmahin Pathian tate kilatna diing a ngaahlah mahmah uhi.

KORINTHTE I 6:6

Hizongleh unau in unau na heeh va, huzong gingloumi ma ah ahi nalai hi.

KORINTHTE II 13:11

A tawp pen in, unaute, kipaahtahin um un. Hoihbukim in um unla, hamuangtahin um unla, lungsim munkhat pua unla, kituaahtahin um un; huleh lungsiatna leh hamuanna Pathian na kawmvah a um diing hi.

KORINTHTE II 5:20

Hujiahin kei u’chu Khrist palaite ka hi va, Pathian in keiuh manga nanguh hung ngen bangin, Pathian toh kilem un chi'n, Khrist luang in ka hung ngen uhi.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

EPHESITE 4:1

Hujiahin kei, Lalpa a mitaang in, kouh a na umna utoh kilawm tawh a gamta diingin ka hung ngen hi.

PHILIPPITE 4:2

Lalpa a lungsim khat hi diingin, Euodia ka ngen a, Sintiki ka ngen hi.

KOLOSSITE 3:13

Khat leh khat kithuahtheituah unla, kingaidamtuah un; khat in khat tunga thubuai bang na neih uleh, Khrist in nanguh ahung ngaihdam bangin nanguh zong kingaidam un.

HEBRAITE 12:14

Mi zousiah toh kituaahna leh siangthouna delh un, hu siangthouna lou inchu kuama’n Lalpa a mu sih diing hi.