MATTHAI 5:8 - Thuhun Thah (BSI)

⁸ Lungsima siangthoute a hampha uhi; Pathian mu diing ahih jiahun.

MATTHAI 5:8 Iomraidhean Croise

SILBAWLTE 15:9

Huleh eihaw leh amahuh khentuam nei louin, ginna in a lungsim uh ahih siangthou hi.

KORINTHTE I 13:12

Ajiahchu tuin limlang a et bangin chianloutahin i mu a; hizongleh hu hun chiangin chu kimaaituah in i muta diing hi; tuin chu a kimlouin ka he a, hizongleh hu hun chiangin chu kei hung kiheet bangin ka heta diing hi.

KORINTHTE II 7:1

Hujiahin unau deihtahte, hi thuchiamte i neih jiahun, Pathian launa a sianthouna subukim in, tahsa leh hagau bolhhohna zousiah apat i kisusiang diing uhi.

TITA 1:15

Mi siangthou a diingin sil zousiah a siangthou hi; hizongleh mi bolhhoh leh gingloute a diingin bangmah a siang a um sih hi; a lungsim uleh a sialepha heetna nasan uh sianglou ahita hi.

HEBRAITE 10:22

Sialepha heetna hoihlou apat i lungtang uh thehsiang a um in, i sapum u’zong tui chiima sil a um in, huleh ginna heetchi ana lungtang dihtah toh i naih diing uhi.

HEBRAITE 12:14

Mi zousiah toh kituaahna leh siangthouna delh un, hu siangthouna lou inchu kuama’n Lalpa a mu sih diing hi.

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

THUPHUANDOH 22:4

Huleh amahun a meel a mu diing va; a min chu a tal vah a tuang diing hi;