MATTHAI 5:3 - Thuhun Thah (BSI)

³ Hagau a gentheite a hampha uhi: vaan lalgam amahuh diing ahih jiahin.

MATTHAI 5:3 Iomraidhean Croise

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

MATTHAI 11:6

Huleh koipouh keimah a lunghihlouhna mu lou chu a hampha hi, a chi a.

MATTHAI 13:16

Hizongleh nanguh mit chu a muh jiahin a hampha hi; huleh na bil uh zong a jah jiahin a hampha hi.

MATTHAI 19:14

Hizongleh Jesu’n, Naupangte chu ka kawma a hung diing uh phalsah unla, khap sih un; vaan lalgam, chu huchibang mite a ahi ngal a, a chi a.

MATTHAI 24:46

A pu hung chiangin huchibanga bawl ahung muh, hu suaah chu a hampha hi.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 3:2

Kisiih un; ajiahchu vaan lalgam a naita hi, chia soi in.

MATTHAI 8:11

Huleh ka hung hilh ahi, Suahlam leh tumlam apatin mi tampi a hung diing va, vaan gam ah Abraham toh, Isaak toh, Jakob toh a toukhawm diing uhi.

MARK 10:14

Hizongleh Jesu’n hu a muh in a lungkim hial sih a, a kawmvah, Naupang neute ka kawmah hungsah unla, khap sih un; ajiahchu Pathian gam chu huchibang mite a diing ahi.

LUKE 11:28

Hizongleh ama’n chu, Ahi, himahleh Pathian thu ja a juite a hampha zaw uh, a chi a.

LUKE 18:14

Ka hung hilh ahi, khatpen sangin hipa chu siamtang in a inn ah a chiahsuhta hi; ajiahchu mi amah kingailoupi photmah a ngiam diing a; huleh mi amah kingaingiam photmah chu tawisangin a um diing, a chi a.

LUKE 22:29

Huleh ka Pa’n kei gam ahung guatsah bangin nanguh diingin gam ka hung guatsah hi.

LUKE 22:30

Ka gam a ka dohkaana na neeh va, na dawn va, huleh Israel nam sawmlenihte vaihawmsaha laltouphaha na tou theihna diingun, a chi a.

LUKE 4:18

Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin,

JOHN 20:29

Jesu’n a kawmah, Thoma, nang chu na hung muh jiahin na gingta ahi a; mulou a gingtate a hampha uhi, a chi hi.

JAKOB 1:10

Hizongleh mihausa chu suhneu a a um jiahin kipaah heh; ajiahchu hampa paah banga mang diing ahi hi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

THUPHUANDOH 19:9

Huleh ama’n ka kawmah, Gial in, Belaamnou ji neihna ankuang uum diing a kouhte chu a hampha uhi, a chi a. Huleh ama’n ka kawmah, Hite chu Pathian thu dihtahte ahi, a chi a.

THUPHUANDOH 22:14

Hinna singkunga tan a neih theihna diing uleh, kota khopi sunga a luut theihna diing va a puansilhte uh sawpsiangte chu a hampha uhi.

THUPHUANDOH 3:17

Ajiahchu nangma’n, Ka hausa a, ka neih a pungta, bangmah ka tasam sih, na chi a; mi lungsiatum, genthei, tagah, mittaw huleh saguah na hih lam na he sih hi.