MATTHAI 5:16 - Thuhun Thah (BSI)

¹⁶ Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

MATTHAI 5:16 Iomraidhean Croise

MATTHAI 23:5

Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh;

MATTHAI 23:9

Huleh leitung ah koimah pa chi sih un; ajiahchu na Pa uh khat ahi a, vaan a um chu.

MATTHAI 5:45

Huchi'n na Pa uh vaan a um tate na hi thei diing uhi; ajiahchu ama’n migiloute leh mihoihte tungah a ni a suaahsah a, huleh midihtatte leh midihtatloute tungah zong guah a zusah hi.

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:9

Huleh nanguh chu hichibangin haamtei un: Ka Pa uh vaan a um, na min kizahtaat heh.

MATTHAI 9:8

Hizongleh mipi’n huchu a muh un, thum ah a sa va, huchibang bawltheihna mihingte kawma petu Pathian a paahtawita uhi.

LUKE 11:2

Ama’n a kawmvah, Na haamtei chiangun, Ka Pa uh vaan a um, Na min kizahtaat heh. Na gam hung tung heh. Na deihzawng vaan a, a kibawl bangin, lei ah zong kibawl heh.

JOHN 15:8

Hikhu ah ka Pa paahtawi in a um hi, tampi a na gah vah; huchi'n ka nungjuite na hi diing uhi.

SILBAWLTE 9:36

Huleh, Joppa khua ah a min Tabitha kichi nungjui khat a um a, (Tabitha umzia chu Dorka ahi) hi numei in silbawl hoih leh silpiah a hau mahmah hi.

KORINTHTE I 14:25

Huchi'n a lungtang thuguuhte chu suhlat in a umta diing a; huleh khupboha puuhin Pathian a be diing a; na lahvah Pathian a um tahzet hi chi'n a soisawn diing hi.

KORINTHTE II 9:13

Hi natohna apat Khrist tanchinpha nuai a na kituhluutna uleh, amah uleh midang zousiah kawma na silphal dan uh kilat jiahin amahun Pathian a paahtawi uhi.

GALATIATE 1:24

Huleh amahun keimah ah Pathian a paahtawita uhi.

EPHESITE 2:10

Bang jiahin ahiai i chih leh, Pathian in malai peha i umna diing a ana guatkholh Khrist Jesu a nna hoih tong diing a siam, amah khutsuaah i hi uhi.

EPHESITE 5:8

Bang jiahin ahiai i chih leh, nanguh tumalai in mial na hi va, tuin chu Lalpa ah vaah na hita uh; vaah tate bangin um un.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

TIMOTHI I 2:10

Hizongleh (numei Pathian ngaihsah kichite a hun giapin) silbawl hoihin kithuam le’uh ka deih hi.

TIMOTHI I 5:10

Sil hoih bawl lam a mi paahtawi a um a; tate khoi lian a, mikhualte na zintun a, misiangthoute keeng na silta a, mi gimthuaahte na panpihta a, sil hoih photmah thanuamtaha na bawl zou ahihleh.

TIMOTHI I 5:25

Huchimahbangin khenkhatte sil hoih bawl kilangmasa a um a; huchibang loute zong phual theih ahi sih hi.

TIMOTHI I 6:18

Sil hoih bawl diingin, silhoih bawl hau diingin, silphal diingin, kihop ut diingin;

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

TITA 2:7

Sil zousiah ah sil hoih bawlna lam a etton diingin kimusah inla; thugin ah siatna um louhdan, a kipdan, a tahdan bang ensah in.

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

TITA 3:4

Hizongleh mihing tunga i Hundampa uh Pathian chitna leh lungsiatna ahung kilat nungin,

HEBRAITE 10:24

Huleh lungsiatna leh silhoih bawlna lama kitohthou diingin khat leh khat i kingaihtuah diing uh.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER I 3:1

Huchimahbangin, nanguh jite, na pasalte uh kawm chiatah kituluut un, huchi'n koiaha in thu gingta sih mahleh, thu lou a, jite gamtatdan a zohin a um thei diing hi;

PETER I 3:16

Khrist a na gamtatdan hoih uh dihloutah a hung demte, silgilou bawl banga ahung soisiatna va a zum theihna diingun sialepha heetna hoihtah nei un.

PETER I 4:11

Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.

PETER I 4:14

Khrist min jiah a tai na hih uleh na hampha uhi; ajiahchu loupina Hagau leh, Pathian Hagau na tungvah a um hi; amahuh lam thu ah amah chu soisiat ahi a, hizongleh nanguh lam thu ah chu paahtawi in a um ahi.