MATTHAI 5:11 - Thuhun Thah (BSI)

¹¹ Mi’n keimah jiaha ahung housiat va, ahung soih va, zuau a gilou chintenga ahung heeh hun chiangun na hampha uhi.

MATTHAI 5:11 Iomraidhean Croise

MATTHAI 10:18

Huleh keimah jiahin gamoptute leh kumpite ma ah, amah uh leh Jentelte heetsahna diingin ahung pui diing uhi.

MATTHAI 10:22

Huleh ka min jiahin mi zousiah huat na hi diing uhi; hizongleh a tawp donga thuaah mualsuaah chu hutdam in a um diing uh.

MATTHAI 10:25

Nungjui chu a houtu banga ahung um a, suaah chu a pu banga ahung um a hun ahi. Amahun inn neitupa bawn Beelzebul a chih uleh, a innkuante chu bang chituhin ahiai a chih taah diing uh?

MATTHAI 10:39

Koipouh a hinna mu in a taan diing a; huleh koipouh keimah jiaha a hinna taan in a mu diing hi.

MATTHAI 19:29

Huleh michin ka min jiaha, innte aha, unaute aha, sanggamnute aha, pa aha, nu aha, ji aha, tate aha, gamte aha nusia in chu a lehza a mu diing va, kumtuang hinna a tang diing uh.

MATTHAI 24:9

Hu hun chiangin nanguh chu suhgim diingin ahung mansah diing va, ahung that diing uh; huleh ka min jiahin nam zousiah huat na hi diing uh.

MATTHAI 27:39

Huleh mi vaahleh phot in a lu uh thing in, a elhou va,

MARK 13:13

Huleh ka min jiahin mi zousiah huat na hi diing uh; hizongleh a tawp dong a thuaah tawntung zou, hu mi ngei chu huuhhing in a um diing hi.

MARK 13:9

Hizongleh kipilvaang un; ajiahchu vaihawmtute khutah ahung pedoh diing va, kikhopna innte ah ahung vo diing va; huleh keimah jiahin houtute leh kumpite ma ah amah uh heetsahna diingin a hung kipui diing hi.

MARK 4:17

Hizongleh amah vah zung a nei sih va, tomtakhat chauh a um va; hu nunga thu jiaha gimthuaahna ahung um chiangin a puuhpah uhi.

MARK 8:35

Ajiahchu mi koipouh a hinna humbit tum in a taan diing a; hizongleh mi koipouh keimah leh Tanchinpha jiaha, a hinna taan in a humbit diing hi.

LUKE 21:12

Hizongleh hi silte zousiah a tunma in nanguh ahung man diing va, kikhopna inn leh suangkul ahte hung puiin ahung bawlgenthei diing va, ka min jalin kumpipate leh vaihawmtute ma-ah ahung pui diing uh.

LUKE 21:17

Huleh ka min jiahin mi zousiah huat in na um diing uh.

LUKE 6:22

Mihing Tapa jiaha mite’n ahung muhdah va, a lahva kipana ahung nohdoh va, ahung tai va, huleh na min uh hoihlouchia ahung pampaih chiangun na hampha uh ahi;

LUKE 9:24

Ajiahchu koipouh a hinna humbit ut in a taan diing a; hizongleh keimah jiaha a hinna taan in a humbit diing hi.

JOHN 15:21

Hizongleh ka min jiahin hi silte zousiah na tungvah a bawl diing uh, ahung sawlpa a heet louh jiahun.

JOHN 9:28

Huin amah a tai va, Nang amah nungjui na hi a; kei u’chu Mosi nungjuite ka hi uh.

SILBAWLTE 9:16

Ajiahchu ka min vangin gimna bangchi banga nasa aha a thuaah diing, a kawma theisah diing ka hi, a chi a.

ROMETE 8:36

Nangmah jiahin nitum in thahin ka um uh; goh diing belaamte banga ngaih ka hi uh, chia gelh bangin.

KORINTHTE I 4:10

Kei u’chu Khrist jiahin mingol ka hi va, nang u’chu Khrist ah mipil na hi uhi; Kei u’chu ka haat sih va, nanguh, chu na haat uhi; nang u’chu na zahum va, kei u’chu simmoh in ka um uhi.

KORINTHTE II 4:11

Ajiahchu Jesu hinna zong ka tahsa uh si thei a suhlat a a um theihna diingin, kei uh a hing nalaite chu bangchih laipouhin Jesu jiaha si diing a piahkhiah in ka um uhi.

PHILIPPITE 1:29

Ajiahchu, Khrist jiaha nangun amah na gintaat chauh uh hilou a, amah vang a thuaah zong na thuaah diing uh ahi chih piah na hi uhi.

PETER I 2:23

Vau a, a um laiin a vauthuh sih a; a thuaah laiin zong a tai sih; hizongleh dihtattaha ngaihtuahpa kawmah a kikemsah zaw hi;

PETER I 4:14

Khrist min jiah a tai na hih uleh na hampha uhi; ajiahchu loupina Hagau leh, Pathian Hagau na tungvah a um hi; amahuh lam thu ah amah chu soisiat ahi a, hizongleh nanguh lam thu ah chu paahtawi in a um ahi.

THUPHUANDOH 2:3

Na thuaahzoh a, na kuhkal a, huleh ka min jiaha na tohgimdan leh na chauh louhdan ka he hi.