MATTHAI 5:10 - Thuhun Thah (BSI)

¹⁰ Dihtatna jiaha soih a umte a hampha uhi; vaan lalgam amahuh a diing ahih jiahin.

MATTHAI 5:10 Iomraidhean Croise

MATTHAI 10:23

Hizongleh hi khopi a ahung sawi chiangun, kho dang ah tailuut un; chihtahzetin ka hung hilh ahi, mihing Tapa hung ma in Israel khua zousiah na tuan suaah sih diing uhi.

MATTHAI 19:14

Hizongleh Jesu’n, Naupangte chu ka kawma a hung diing uh phalsah unla, khap sih un; vaan lalgam, chu huchibang mite a ahi ngal a, a chi a.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 5:3

Hagau a gentheite a hampha uhi: vaan lalgam amahuh diing ahih jiahin.

MARK 10:14

Hizongleh Jesu’n hu a muh in a lungkim hial sih a, a kawmvah, Naupang neute ka kawmah hungsah unla, khap sih un; ajiahchu Pathian gam chu huchibang mite a diing ahi.

MARK 10:30

Tu damsung ngeia sawinate toh innte, unaunute, nute, tate, huleh gamte a lehza a mulou diing a um sih uh; huleh khovel hung tung diing ah kumtuang hinna toh.

LUKE 21:12

Hizongleh hi silte zousiah a tunma in nanguh ahung man diing va, kikhopna inn leh suangkul ahte hung puiin ahung bawlgenthei diing va, ka min jalin kumpipate leh vaihawmtute ma-ah ahung pui diing uh.

LUKE 22:29

Huleh ka Pa’n kei gam ahung guatsah bangin nanguh diingin gam ka hung guatsah hi.

LUKE 6:20

Huin amah chu a khodaah a, a nungjuite a en a, Nanguh migentheite na hampha uh; ajiahchu Pathian gam nanguh a ahi.

LUKE 6:22

Mihing Tapa jiaha mite’n ahung muhdah va, a lahva kipana ahung nohdoh va, ahung tai va, huleh na min uh hoihlouchia ahung pampaih chiangun na hampha uh ahi;

JOHN 15:20

Suaah a pu sangin a lianzaw sih chih na kawmva ka thusoi he zing un. Amahun kei ahung sawi unchu nanguh zong ahung sawi diing uh; ka thusoite a juih uleh nanguh soi zong a jui diing uh.

SILBAWLTE 5:40

Huleh, a soi chu lem a sata va; huchi'n sawllehte chu a kou va, a jep va, a jep zohun, Jesu min a thu soi kiit hetlou diingin thu a pia va, a hahta uhi.

SILBAWLTE 8:1

Huleh, Saul in zong Stephen sih chu lem a sa hi. Hu hun laiin Jerusalem khua a kouhtuam umte chu nasatahin a sawi panta va; huchi'n sawllehte chauh loungal chu Judia leh Samaria gam khochinah a dalhjah vehta uhi.

KORINTHTE II 4:17

Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

PHILIPPITE 1:28

Huleh bangmah ah na meelmate uh sulau in um sih un; huchu amahuh diing a manthaina chiamchihna dihtah ahi a, hizongleh nanguh diingin chu hutdamna, huleh huchu Pathian a kipan ahi.

TIMOTHI II 2:12

I thuaah leh amah toh vai i hawm khawm diing a; amah i kiheetmohbawl leh ama’n zong ahung kiheetmohbawl diing;

TIMOTHI II 3:11

Antiok khua leh, Ikonium khua leh, Listra khua a sawina ka thuaahte na he kim veh hi; hizongleh hute zousiah ah Lalpa’n ahung hundohta hi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

JAKOB 5:11

Ngai un, a thuaahaatte chu hampha in i sep uhi. Job kuhkaldan na ja va, Lalpa’n a tawp a, a bawldan: Lalpa chu hehpihna leh khotuahna dim ahih zong na mu uhi.

JOHN I 3:12

Giloupa a kuan, a unaupa that, Kaina banga umlou in bang jiahin ahiai a thah mai? Amah silbawlte a hoih louh a, a unaupa a dihtat jiahin ahi.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.