MATTHAI 3:12 - Thuhun Thah (BSI)

¹² A khut in a pasiseep a tawi a, a phual chu a japsiang tinten diing; huleh a buhte chu a pangah a koihkhawm diing a; hizongleh a sii chu mei mitthei lou in a haaltum diing hi, a chi hi.

MATTHAI 3:12 Iomraidhean Croise

MATTHAI 13:30

Buh laah dongin poukhawm u’heh; huleh buh laah huntah chiangin buh aatte kawmah, Buhlemte lakhawm masa unla, haal diingin a lomlom in gaah un; hizongleh buh chu ka buhpang sungah koih luut un, ka chi diing, a chi hi.

MATTHAI 13:41

Mihing Tapa’n a angelte a sawlkhe diing a, a gam apatin sualsahtute leh silsual bawl zousiah chu a khawm diing uhi;

MATTHAI 13:42

Huleh haaltuina mei ah a paai diing va; huah chu kah leh hagawi a um diing.

MATTHAI 13:43

Huzohchiangin midihtatte chu a Pa uh gam ah ni bangin a taang diing uhi. Koipouh jahna diing a bil nei in ja heh.

LUKE 3:16

John in a dawng a, a kawmvah, Ke'n chu tui in ka hung baptis ngei a; hizongleh kei sanga loupizaw, a keengtophah khau zong suut taah ka hih louh mi khat ahung diing; ama’n chu Hagau Siangthou leh mei in nanguh ahung baptis diing;

LUKE 3:17

A khut in a pasiseep a tawi a, a phual a jap siang tinten diing a, a buhte a buhpangah a sungkhawm diing hi; hizongleh a si chu mei mit thei louin a haaltum diing hi, chih.

JOHN 15:2

Keimah a um ba gahlou photmah chu a paaimang veu a; a gah photmah chu a susiangthou veu hi, a gah tam sem theihna diingin.