MATTHAI 27:4 - Thuhun Thah (BSI)

⁴ Mikhial lou sisan ka matsah chu ka sual ahi, a chi a. Huleh amahun, Hu kei uh diingin bang a khawh diai? nang na lohloh kilohta in, a chi va.

MATTHAI 27:4 Iomraidhean Croise

MATTHAI 27:19

Huleh vaihawmna touphah a, a tou laiin, a ji in a kawmah mi a sawl a, Hu mi dih tungah bangmah bawl sin; ajiahchu amah jiahin tu ni’n ka mang in sil tampi ka thuaah hi, a va chisah hi.

MATTHAI 27:54

Huin sepaih zahoutu leh a kawma Jesu veenga umte’n ziilling leh sil hung umte a muh un nasatahin a lauta va, Hichu Pathian Tapa ahi ngei mei, a chi va.

LUKE 23:22

Huin ama’n a thumveina di’n a kawmvah, Bang jiahin eimaw? bang ahiai a suhkhelh? sihna khop hial a tungah bangmah ka mu sih hi; hujiahin ka jep diing a ka hah mai diing, a chi a.

LUKE 23:41

Ei chu gawt taah mawng i hi; ajiahchu i silbawlte man mu i hi; hizongleh hipa’n chu bangmah a susual sih hi, a chi a.

LUKE 23:47

Huleh sepaih zahoutuin sil umdan a muh in, Hipa matheilouin midihtat ahi ngei mai, chi'n Pathian a paahtawita hi.

JOHN 19:7

Judate’n amah a dawng va, daan khat ka nei uh, Pathian Tapa a, a kibawl jiahin ka daan dungjui un sitaah ahi, a chi va.

SILBAWLTE 13:28

A sihna diing khop a tunga bangmah a muh louhun zong, Pilat kawmah suhlup diingin a ngen va.

ROMETE 3:19

Huchi'n daan in sil bangpouh a soi photmah chu, kam chinteng hup ahihtheihna diing leh, khovel zousiah Pathian ma a mohtang a, a um theihna diingun, daan nuaia umte kawma a soi ahi chih i he uhi.

TIMOTHI I 4:2

Lepchiahna a zuauthu soi in; a sialephaheetna uh siih aam a bih a um in;

TITA 1:16

Pathian ka he chi'n a kam un a phuang va; hizongleh a silbawl un a nual uhi, kihdah umte, thumangloute, sil hoih bawl lam photmah a Pathian deih louh lam mite ahi uhi.

HEBRAITE 7:26

Ajiahchu huchibang siampu lal, misiangthou, nun se lou, buah baang lou, misualte laha kituamkoih, huleh vaante sanga saangzaw a siam chu eihaw a diingin a kilawm mawng ahi.

PETER I 1:19

Hizongleh belaamnou demna bei leh niin baang lou sisan banga Khrist sisan luul a tat na hi zaw uhi.

JOHN I 3:12

Giloupa a kuan, a unaupa that, Kaina banga umlou in bang jiahin ahiai a thah mai? Amah silbawlte a hoih louh a, a unaupa a dihtat jiahin ahi.

THUPHUANDOH 11:10

Huleh leitung a teengte chu amahuh tungah a nuam diing va, kipaahna a bawl diing va, huleh silpiahte a kithottuah diing uh; ajiahchu hi zawlnei nihte’n leitung a teengte a bawl gim mahmah uhi.