MATTHAI 23:4 - Thuhun Thah (BSI)

⁴ Vangih puaah hah tahtah a siam va, mi liangkou ah a suan va; amahun lah a khutzung khat un zong a khoih nuam sih uh.

MATTHAI 23:4 Iomraidhean Croise

MATTHAI 23:23

Nanguh lehkhagialtu leh Pharisai lepchiahte aw, na tunguh a gih hi! ajiahchu nangun pudina leh mohuri huleh jira bang sawmakhat na pia va, huleh daanthu poimohzaw thukhen dihna bang, zahngaihna bang huleh ginumna bang na thudon sih uhi; hite chu ahi na bawl ngei diing uh a dangte zong bawl lou tuanlouin.

MATTHAI 23:3

Hujiahin juih diing chi a ahung hilh photmah uh jui unla, bawl jel un; hizongleh amahuh silbawl bang chu bawl sih un; amahun a soi va, a bawl tuan sih uhi.

LUKE 11:46

Ama’n, Nanguh daanhe mite zong na tunguh a gih hi! ajiahchu nangun vangih puaah hah tahtah mi na pat va, nangun lah hu vangihte na khut zung khat un zong na khoih nuam sih uh.

SILBAWLTE 15:10

Huchi'n i pulepate leh eihawn zong i zoh louhsa uh namkol chu tuin nungjuite ngawng a baat tum a bang diinga Pathian ze-et na hi viai?

SILBAWLTE 15:28

Ajiahchu, Hagau Siangthou leh kei un, hi thu poimohte chih louh puaahgih dang bangmah na tungva ngah louh hoih ka sa uhi.

GALATIATE 6:13

Ajiahchu, amahuh zehtante mawngin zong daanthu a jui tuan sih uhi, na tahsa va suan diing a neih theihna diingun zehtan le u’chin chih a deih phet uh ahi.

JOHN I 5:3

Bang jiahin ahiai i chih leh, Pathian i lungsiatna u’chu a thupiahte i juih uh ahi; huleh a thupiahte chu a khauh sih hi.

THUPHUANDOH 2:24

Hizongleh nang leh Thyatira khua a um, hi kihilhna nei lou leh, a soi uh banga Setan thugilte he lou midang zousiah kawmah ka soi ahi: tunggihna dang mawngmawng na tungvah ka koih sih diing hi.