MATTHAI 2:12 - Thuhun Thah (BSI)

¹² Huleh Herod kawma kilehkiit lou diing a Pathian in a mang va a thuhilh jiahin lampi tuam juiin a kholam vah a chiahta uhi.

MATTHAI 2:12 Iomraidhean Croise

MATTHAI 1:20

Hizongleh ama’n hi thute a ngaihtuah laiin, a mang in Lalpa angel a kawmah ahung kilaah a, "Joseph, nang David tapa, na ji Mari kiteenpih diing lau sin; ajiahchu a naupaai hi Hagau Siangthou apat ahi.

MATTHAI 2:13

Huleh amahuh a chiah nungin, ngai in, Lalpa angel chu Joseph kawmah a mang in a kilaah a, "Thou inla, naungeeh leh a nu pui inla, Aigupta gam ah tai in, huleh ka hung hilh kiit masiah hutah ah um zing in: ajiahchu Herod in naungeeh chu suhlup diing a hawl diing ahi," a chi a

MATTHAI 2:19

Hizongleh Herod a sih phetin, ngai in, Aigupta gam ah Lalpa angel khat Joseph kawmah a mang in a kilaah a,

MATTHAI 2:22

Hizongleh Arkelaus chu Judia gam ah a pa Herod munah a lal hi chih a jahin hu lamah a chiah ngamta sih a, a manga Pathian in a thuhilh jiahin Galili gam lamah a kilehheita hi.

MATTHAI 27:19

Huleh vaihawmna touphah a, a tou laiin, a ji in a kawmah mi a sawl a, Hu mi dih tungah bangmah bawl sin; ajiahchu amah jiahin tu ni’n ka mang in sil tampi ka thuaah hi, a va chisah hi.

LUKE 2:26

Huleh Lalpa Khrist a muh masiah a si sih diing chih Hagau Siangthou in a hesah a.

SILBAWLTE 10:22

Huleh amahun, Pathian apata angel siangthou khat in, Kornelia, sepaih zahoutu mi dihtah, Pathian laudan siam, Judami zousiah in a soiphat, kawmah na thusoi a jahna diinga, a inn a nang kousah diingin a hilh hi, a chi va.

SILBAWLTE 4:19

Hizongleh, Peter leh John in chu a kawmvah, Pathian mitmuh in, Pathian thu man sangin nanguh thu man a hoihzaw eimah? ngaihtuah un.

SILBAWLTE 5:29

Huin, Peter leh sawlleh dangte’n, Mihing thu sangin Pathian thu ka man zawh diing uh ahi.

KORINTHTE I 3:19

Bang jiahin ahiai i chih leh hi khovel pilna chu Pathian ngaihin ngolna ahi. Ajiahchu, Ama’n mipilte a pil lepchiahna vah a man hi.

HEBRAITE 11:7

Ginna in Noah chu sil muh nailouhte thu Pathian hilh a na um in, a lau a, a innkuanpihte hutdamna diingin kuang a bawl a; hukhuin khovel siamlouh a tangsahta a, ginna jiaha um dihtatna gouluahtu ahung hita hi.

HEBRAITE 8:5

Hute chu vaan silte etsahna leh a liima zat ahi a, Mosi’n biahbuuh bawl diing a, a kisah lai a, Pathian in a hasot bangin; ajiahchu ama’n, taang tunga etton diing a hung kimusah dungjuiin sil zousiah bawl diingin pilvaang in, a chi hi.