MATTHAI 18:5 - Thuhun Thah (BSI)

⁵ Huleh koipouh hitobang naupang khat keimah min a kipaahpih chu kei hung kipaahpih ahi.

MATTHAI 18:5 Iomraidhean Croise

MATTHAI 18:4

Hujiahin koipouh hi Naupang neu banga kingaingiam chu, hu mi ngei chu vaan gam ah a lianpen diing.

MATTHAI 18:6

Hizongleh koipouh keimah hung gingta mi neute laha khat zong puuhsah chu a ngawng ah suang sumheeh lianpi awhsah in tui khang lian thuuhtah ah kheluut leuh amah diingin a hoihzaw hi.

MATTHAI 25:40

Huleh Kumpipa in chu a dawng diing a, a kawmvah, Chihtahzetin ka hung hilh ahi, Hi ka unaute laha neupen khat tunga na bawl uh chu ka tunga bawl na hi uh, a chi diing.

MATTHAI 25:45

Huchiangin ama’n a dawng diing a, Chihtahzetin ka hung hilh ahi, Hite laha neupen khat tunga na bawl louh uh chu, ka tunga bawl lou na hi uhi, a chi diing.

MATTHAI 7:8

Ajiahchu a ngen taphot in a tang va, a hawl taphot in a mu va; huleh a kiu taphot chu honsah in a um diing hi.

MARK 9:37

Mi koipouh ka mina hitobang naupang neutakhat sang chu kei hung sang ahi; huleh mi koipouh kei hung sang chu, kei hung sang hilouin ahung sawlpa sang ahi zaw hi, a chi hi.

MARK 9:41

Mi koipouh ka min a hih jiah va, ka min a tuisih nou khat dawn diing a hung pia inchu, chihtahzetin ka hung hilh ahi, a kipaahman muh diing a taan hial sih diing hi.

LUKE 9:48

A kawmvah, Koipouh ka mina hi naupang kipaahpih chu kei hung kipaahpih ahi; huleh kei hung kipaahpih chu ahung sawlpa kipaahpih ahi; na bawnva laha neupen chu a lianpen diing hi, a chi a.

JOHN 13:20

Chihtahzetin, chihtahzetin ka hung hilh ahi, Koipouh ka sawltaphot kipaahpih chu kei hung kipaahpih ahi; huleh koipouh kei hung kipaahpih in ahung sawlpa a kipaahpih ahi, a chi hi.

GALATIATE 4:14

Huleh ka tahsa a nanguh diing a ze-etna um chu na musit sih va, nual zong na nual sih uh, hizongleh Pathian angel bang leh, Khrist Jesu bang hialin na hung pom zaw uhi.