MATTHAI 18:3 - Thuhun Thah (BSI)

³ Chihtahzetin ka hung hilh ahi, Na lamleet va, naupang neute bang na hung hih louh uleh, vaan lalgam ah na luut het sih diing uh.

MATTHAI 18:3 Iomraidhean Croise

MATTHAI 13:15

Ajiahchu hi mite lungtang a nang gawpta a, a bil uh a ngong a, huleh a mit uh a siingta uhi; huchilou inzaw a mit un a mukha diing va, a bil un a jakha diing va, huleh a lungtang un a hekha diing va, ahung kiheikiitkha diing va, ke'n amahuh ka na sudamkha diing, chia, ana chih khu.

MATTHAI 18:2

Huin Jesu’n naupang neu khat a kawmah a kou a, amah chu a lahvah a dingsah a,

MATTHAI 18:4

Hujiahin koipouh hi Naupang neu banga kingaingiam chu, hu mi ngei chu vaan gam ah a lianpen diing.

MATTHAI 19:14

Hizongleh Jesu’n, Naupangte chu ka kawma a hung diing uh phalsah unla, khap sih un; vaan lalgam, chu huchibang mite a ahi ngal a, a chi a.

MATTHAI 19:23

Huin Jesu’n a nungjuite kawmah, Chihtahzetin ka hung hilh ahi, mi hausa diingin vaan lalgam luut a hahsa hi.

MATTHAI 5:18

Chihtahzetin na kawmvah ka soi ahi, Vaan leh lei a man masiah daan thu a sutvom neucha aha, thaivom neuchakhat zong a mang sih diing, a bawn a, a taangtun kim masiah in.

MATTHAI 5:20

Ajiahchu ka hung hilh ahi, Na dihtatna un lehkhagialtute leh Pharisaite dihtatna a khup louh inchu vaan lalgam ah na luut top sih diing uhi.

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:2

Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 6:5

Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

MARK 4:12

Muh chu a muh theih va, a heetsiam louhna diing uleh, jah chu a jah theih va, a ngaih na a heet louhna diingun; huchilou inchu a zawleh ahung kihei kiit diing va, a sualnate uh ngaihdam ahi kha diing uh, a chi hi.

LUKE 13:24

Kot jim ah luut tum teitei un; ajiahchu ka hung hilh ahi, mi tampi’n luut a tum diing a, a luut thei sih diing uh;

LUKE 22:32

Hizongleh na ginna a man louhna diingin ka hung haamteisah hi; na kihei kiit chiangin na unaute sukip in, a chi a.

JOHN 1:51

Huleh Jesu’n a kawmah, Chihtahzetin, chihtahzetin ka hung hilh ahi, Tunung vaan kihong a, Pathian angelte mihing Tapa tunga kal leh kum na muta diing uhi, a chi hi.

JOHN 3:3

Jesu’n a dawng a, a kawmah, Chihtahzetin, chihtahzetin ka hung hilh ahi, mi koipouh in a pianthah louhleh Pathian gam a mu sih diing hi, a chi a.

JOHN 3:5

Jesu’n a dawng a, Chihtahzetin, chihtahzetin ka hung hilh ahi, mi koipouh tui leh Hagau a, a pian louhleh Pathian gam a luut sih diing hi.

SILBAWLTE 14:22

Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi.

SILBAWLTE 28:27

Ajiahchu Hi chite lungtang a taahta a, a bil uh a ngongta a, a mit uh a siingta uhi; huchilou inchu a mit un a mukha diing va, a bil un a jakha diing va, a lungtang un a hesiamkha diing uh, huchi'n ahung kiheikiitkha diing uh a, ke’n ka na sudamkha diing hi, a chih chu.

SILBAWLTE 3:19

Hujiahin, kisiih unla, na sualte uh nawtmang ahih theihna diingin kiheikiit un, huchi'n, Lalpa kawm apat halh hunte ahung tung thei diing a;

KORINTHTE I 14:20

Unaute, heetsiamna lamah naupang sih unla, hizongleh giitlouhna lamah chu naupang un; heetsiamna lamah piching un.

PETER I 2:2

Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.