MATTHAI 17:4 - Thuhun Thah (BSI)

⁴ Huin Peter in Jesu a houpih a, a kawmah, Lalpa, ei a diingin hitaha um a hoih hi; na ut leh hi-ah bawh thum i bawl diing a, nang a diingin khat, Mosi diingin khat, Elijah diingin khat, a chi a.

MATTHAI 17:4 Iomraidhean Croise

MATTHAI 17:3

Huleh, ngai in, Mosi leh Elijah a kawmva hung kilaah in amah toh a kihou uhi.

LUKE 9:33

Huleh hichi ahung hi a, a kawma kipan a paikhiah un, Peter in Jesu kawmah, Houtupa, eiuh diingin hitah a um a hoih hi; bawh thum i lam diing a, nanga di’n khat, Mosi a di’n khat, huleh Elijah a di’n khat, a chi a; bang ahiai a soi zong he louin.

JOHN 17:24

Pa, nang kei na hung piahte zong ka umna a kei toh um diingin ka deih hi; na hung piah loupina a muh theihna diingun; ajiahchu nang leilung siam ma pehin kei na hung lungsiat hi.

JOHN 7:2

Huleh Judate bawh kuut ahung naita a.

PHILIPPITE 1:23

Ajiahchu nih saikaah in chih diing zosaang he lou in ka um hi; chiahmang a Khrist kawma um utna ka nei a; huchu a hoihzaw mahmah a;

JOHN I 3:2

Deihtahte, tuin Pathian tate i hi a, huleh bangtobangin ahiai i um diing chihchu a kilang nai tadih sih hi; hizongleh amah ahung kilat chiangin amah bangin i um diing uh chihchu i he uhi; amah chu a um bangbang a mu diing i hih jiahin.

THUPHUANDOH 21:23

Huleh hu khopi inchu a taanvaah diingin ni a ngai sih a, ha zong a ngai sih hi; ajiahchu Pathian loupina in hichu a taanvaah a, huleh Belaamnou chu a thaumei ahi mai hi.