MATTHAI 10:1 - Thuhun Thah (BSI)

¹ Huleh ama’n a nungjui sawmlenihte a kouh zohin, a kawmvah dawiniinte nohdoh theihna leh damlouhna chinteng leh natna chinteng suhdam theihna thuneihna a pia hi.

MATTHAI 10:1 Iomraidhean Croise

MATTHAI 19:28

Huin Jesu’n a kawmvah, Chihtahzetin ka hung hilh ahi, Siamthahna ah, mihing Tapa a loupina touphah a, a tou chiangin nanguh kei hung juite chu Israel nam sawmlenihte vaihawm in laltouphah sawmlenih ah na tou saam diing uhi.

MATTHAI 26:20

Huleh nitaahlam ahung hihin, nungjui sawmlenihte toh ankuang a uum va.

MATTHAI 26:47

Huleh a soi laiin, en un, sawmlenihte laha khat, Juda chu, siampu lalte leh upate kawma kipat, mipi nasatah mai namsaau leh khetbuuh tawite toh a hungta a.

MATTHAI 4:23

Huleh Jesu chu Galili gam pumpi ah a vaah lehleh a, a kikhopna inn bang vah thu a hilh a, lalgam tanchinpha soi in, mite laha natna chinteng leh damlouhna chinteng a sudam jel hi.

MATTHAI 6:13

Heemna ah hung puiluut sinla, gilou lahah hung hunkhe zaw in: lalgamte, silbawltheihnate, loupinate, kumtuanga nanga ahih jiahin. Amen, chi'n.

MATTHAI 9:35

Huleh Jesu’n a kikhopna inn bang va thuhilh in, lalgam tanchinpha chu soi in, damlouhna chinteng leh natna chinteng sudam in, khopi leh khoneute zousiah ah a vaahleh hi.

MATTHAI 9:38

Hujiahin a buh la diing a natongtute hung sawldoh diingin buh Neitupa kawmah ngen un, a chi hi.

LUKE 10:19

Ngai un, guulte leh momaite totdeen theihna leh melma silbawltheihna zousiah tunga thuneihna ka hung pia hi; huchi'n bangmahin ahung suna het sih diing,

LUKE 21:15

Ajiahchu na meelma zousiahun ahung dou va, ahung soisel theih louh diinguh kam leh pilna ka hung pe diing hi.

LUKE 24:49

Huleh ngai un, ka Pa silchiam na tungvah ka hung sawl diing hi; hizongleh tunglama kipana silbawltheihna a thop na hih masiah uh Jerusalem khopi ah um kinke'n un, a chi a.

LUKE 6:13

Huleh khovaah phetin a nungjuite a kou a; a lah vapat sawmlenih a teel a, a min u’zong sawllehte ahisah hi.

JOHN 17:2

Huchia nangma’n a kawma na piah photmahte kumtuang hinna a piah theihna diing a mi zousiah tunga thuneihna na piah bangin.

JOHN 3:27

John in a dawng a, Vaana kipana piah ahihlouhleh mihingin bangmah a nei thei sih,

JOHN 3:35

Pain Tapa a lungsiat a, a khutah sil zousi ah a peta hi.

JOHN 6:70

Jesu’n amahuh a dawng a, Nanguh sawmlenihte ka hung teel na hi sih viai mah? huleh na lahva khat diabol ahi, a chi a.

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 19:15

Hizongleh dawi in chu a dawng a, Jesu ka he hi, Paul zong ka he hi; hizongleh, nanguh kuate na hi viai? a chi a.

THUPHUANDOH 12:1

Huleh vaan ah sillimdang loupitah ahung kilang a; numei khat, ni a kithuam, a keeng nuaia hapi um, huleh a lutung a aahsi sawmlenih tuang lallukhuh khuh ahung um a.