MARK 9:25 - Thuhun Thah (BSI)

²⁵ Huin Jesu’n mipi hung taikhawm a muh tahin dawiniin chu a tai a, a kawmah, Nang haamtheih louhna leh bilngonna dawi, thu ka hung pia hi, a sung apat hung pawt inla, luut kiit nawn sin, a chi a.

MARK 9:25 Iomraidhean Croise

MATTHAI 12:22

Huin, dawimat, mittaw haamthei lou khat a kawmah ahung pui va; ama’n ana sudam a, huchi’n haamthei lou chu hung haamthei in khua ahung muta hi.

MATTHAI 17:18

Huin Jesu’n dawi chu a vau a; a sunga kipatin a pawtta a; huleh naupang chu hu hun ngeiin a damta hi.

MARK 9:15

Huleh mipi zousiah in amah a muh tahun limdang a sa mahmah va, a kawma tai in chibai a va buuh uh.

MARK 9:24

Huin naupangpa pa chu a kikoupah a; huleh mithi luang pum in, Lalpa, ka gingta hi, ka ginlahna hung panpih in, a chi a.

MARK 9:26

Huin dawi chu a kikou a, nasatahin a soisa a, hu zohin ahung pawtta a; huleh naupang chu mi tampite’n, A si ahi, a chih diing khop un ahung umta hi.

LUKE 11:14

Huleh ama’n dawi haamthei lou khat a nohdoh a; Huleh hichi ahi a, dawi a pawt phetin haamthei lou chu ahung haamta a; huchi'n mipi’n limdang a sa mahmah uh.

LUKE 4:35

Huin Jesu’n a tai a, Sip inla, a sung apatin hung pawt in, a chi a. Huin dawiin amah chu a lai va a suhpuuh zohin a sung apatin ahung pawt a, amah a suna sih hi.

LUKE 4:41

Huleh dawite zong, Nang Khrist, Pathian Tapa na hi, chi a kikou in mi tampite sung apat ahung pawtdoh uhi. Huleh ama’n amahuh a tai a a haam diing uh a phalsah sih hi; ajiahchu Khrist ahi chih a he uhi.

LUKE 8:29

(Ajiahchu ama’n dawiniin chu mipa sunga kipan pawt diingin thu ana peta hi. Tamveipi dawiniin in amah chu a mankhata a; khainiang leh kol buhsah in a um a; huleh ama’n a kikaannate chu a phutan a, gamdaiah dawi delhmang in a um veu hi)

LUKE 9:42

Huleh amah chu ahung pailai dawiin a supuuh a, a bawlgim hi. Huin Jesu’n dawiniin chu a tai a, naupang chu a sudam a, a pa kawmah a peta hi.

SILBAWLTE 16:18

Huleh, huchi'n ni sawttah ahih a. Huin Paul chu a lunghita sih a, a kihei a, dawi kawmah, Jesu Khrist min in a sunga kipat pawt thu ka hung pia ahi, a chi a. Huleh, amah chu hu laitahin a pawtpah hi.

JUDE 1:9

Ahi’nla, Mikael, angel tungnungpen in chu, Mosi luang thu a diabol toh kihau a, a kinial laiun, soisia in a mohpaih ngam sih a, Lalpa’n hung tai heh, a chi zaw hi.