MARK 9:20 - Thuhun Thah (BSI)

²⁰ Huleh amah chu a kawmah ahung pui va; huleh dawi in amah chu a muh tahin naupang chu nasatahin a soisapah a; huchi'n tualah a puuh a, chilphuan bo zengzungin a kitaal lehleh hi.

MARK 9:20 Iomraidhean Croise

MARK 1:26

Huleh dawiniin in mipa chu a soisa vah a, hah kou a kikou in a sung apat ahung pawtta hi.

MARK 9:18

A matna mun phot ah a heeh puuh jel a; huchi'n a chilphuan bua in, a ha bang a gawi a, a gawng deuhdeuh hi; huchi'n na nungjuite kawma hung nohdohsah un ka chih leh a bawl thei sih uh, a chi a.

MARK 9:19

Huin ama’n amah a dawng a, Aw ginna nei lou khang thahte, na kawm va bangtan ahiai ka um diing? bangtan ahiai ka hung thuaahtheih diing? amah chu ka kawmah hung pui un, a chi a.

MARK 9:21

Huleh ama’n a pa kawmah, Hichibang ahung hihna bangtan ahitai? chi'n a dong a. Huin ama’n, A naupan laia kipanin ahita.

MARK 9:26

Huin dawi chu a kikou a, nasatahin a soisa a, hu zohin ahung pawtta a; huleh naupang chu mi tampite’n, A si ahi, a chih diing khop un ahung umta hi.

LUKE 4:35

Huin Jesu’n a tai a, Sip inla, a sung apatin hung pawt in, a chi a. Huin dawiin amah chu a lai va a suhpuuh zohin a sung apatin ahung pawt a, amah a suna sih hi.

LUKE 8:29

(Ajiahchu ama’n dawiniin chu mipa sunga kipan pawt diingin thu ana peta hi. Tamveipi dawiniin in amah chu a mankhata a; khainiang leh kol buhsah in a um a; huleh ama’n a kikaannate chu a phutan a, gamdaiah dawi delhmang in a um veu hi)

LUKE 9:39

Ngai in, hagau khat in a man a, thakhat khat in a kikoudoh a; huleh chilphuan bo khopin a bawl gimveu a, naahpihtaha susidup in a nuseveu hi.

LUKE 9:42

Huleh amah chu ahung pailai dawiin a supuuh a, a bawlgim hi. Huin Jesu’n dawiniin chu a tai a, naupang chu a sudam a, a pa kawmah a peta hi.

JOHN 8:44

Nang u’chu na pa uh diabol a hung kuan na hi uh, huleh na pa uh deihzawng na bawl ut uhi. Amah chu a chiila kipana tualthat ahi a, huleh thutah ah a um sih, amaha thutah a um louh jiahin. Juau a soi inzong amah a ngei a soi ahi; bang jiahin ahiai i chih leh amah mi zuau ahi a, huleh zuau pa zong ahi.

PETER I 5:8

Pilvaang unla, kiveeng zingin um un; ajiahchu na khingpa uh diabol chu huumpibahnei hawh bangin a neeh theih diing hawl in a vaah lehleh hi;