MARK 8:38 - Thuhun Thah (BSI)

³⁸ Hujiahin mi koipouh tulai khang thah aangkawm haat leh giloute laha keimah leh ka thu zumpih chu mihing Tapa in zong angel siangthoute toh a Pa loupina a ahung chiangin, hu mi chu a zumpih ve diing hi, a chi hi.

MARK 8:38 Iomraidhean Croise

ROMETE 1:16

Bang jiahin ahiai i chih leh tanchinpha chu ka zumpih sih hi; ajiahchu a gingta photmah diingin hichu hutdamna diinga Pathian silbawltheihna ahi; Judate diingin ahi masa a, huleh Grikte diingin zong ahi.

JOHN I 2:23

Mi koipouh Tapa awilou inchu Pa a nei sih a; hizongleh Tapa pom photmah inchu Pa zong a nei hi.

JAKOB 4:4

Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi.

LUKE 9:26

Ajiahchu keimah leh ka thute zumpih chu mihing Tapa’n a loupina toh, a Pa loupina toh, angel siangthoute loupina a ahung chiangin amah chu a zumpih diing hi.

TIMOTHI II 1:8

Hujiahin i Lalpa thuheetpihna chu zumpih sinla, amah mitaang kei zong hung zumpih sin; ahihvangin Pathian silbawltheihna bang jel a tanchinpha jiaha gimthuaahna thuaahpihtu hizaw in.

MATTHAI 26:64

Jesu’n a kawmah, Na chita hi: himahleh ka hung hilh ahi, Tunung chiangleh mihing Tapa silbawltheihna jiatlama tou leh, vaan mei tunga hung na mu diing uhi, a chi a.

MATTHAI 16:27

Mihing Tapa chu a Pa loupinna a angelte toh hung diing ahi ngal a; huchiangin michin a natoh bangjelin a thuh chiat diing hi.

HEBRAITE 11:26

Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi.

HEBRAITE 11:16

Hizongleh gam hoihzaw deih ana hi va, huchu vaan gam ahi a; hukhu jiahin Pathian chu a Pathian uh chih a kouh a zum sih hi; ajiahchu amahuh diingin khopi khat guatsa’n a koihta hi.

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

MATTHAI 12:39

Hizongleh ama’n a dawng a, a kawmvah, Khangthah gilou leh aangkawm haatte’n chiamchihna a hawl uh; hizongleh zawlnei Jonah chiamchihna loungal a kawmvah, chiamchihna dang piah ahi sih diing;

JOHN 1:51

Huleh Jesu’n a kawmah, Chihtahzetin, chihtahzetin ka hung hilh ahi, Tunung vaan kihong a, Pathian angelte mihing Tapa tunga kal leh kum na muta diing uhi, a chi hi.

MATTHAI 25:31

Mihing Tapa chu angel siangthou zousiah toh a loupina a, a hung chiangin amah chu a loupina laltouphah tungah a tou diing hi;

MATTHAI 24:30

Hu hun chiangin vaan ah mihing Tapa chiamchihna chu ahung kilang diing a; hutahchiangleh lei tunga jat zousiah in a suun diing uh, huleh mihing Tapa chu silbawltheihna leh gualzohna loupi toh vaan mei tunga hung a mu diing uhi.

LUKE 19:26

Ajiahchu ka hung hilh ahi, A nei taphot chu piahbeh ahi diing a, huleh a nei lou chu a neihsun zong laahsah ahi diing hi.

MATTHAI 13:41

Mihing Tapa’n a angelte a sawlkhe diing a, a gam apatin sualsahtute leh silsual bawl zousiah chu a khawm diing uhi;

HEBRAITE 13:13

Hujiahin amah a muhsitna uh pua in a kawmah, khogei lamah i chiahdoh diing uh.

TIMOTHI II 1:16

Lalpa’n Onesiphora innkuanpihte kawmah khotuahna pia heh; ajiahchu ama’n ahung suhalh jeljel a, ka khainiang buh zong a zumpih sih hi;

GALATIATE 6:14

Hizongleh ke’n chu i Lalpa uh Jesu Khrist kros loungal ka suang het sih diing hi; amah jiahin khovel kei diingin kilhbeh ahita a, kei khovel diingin kilhbeh ka hita hi.

SILBAWLTE 5:41

Huleh, amahuh chu vaihawmte lah apatin a pawtkhia va, hu min jiaha zumna thuaah taah a guat ahih jiahun a kipaah mahmah uhi.

JOHN 12:34

Mipite’n amah a dawng va, Khrist chu kumtuang in a um zing diing chih ka daan vapat ka ja uh, bang chidan a nangin, Mihing Tapa khaisanga a um ngei diing ahi, na chih ahiai? hi mihing Tapa chu koi ahiai? a chi va.

JOHN 5:27

Huleh mihing Tapa ahihjiahin a kawmah vaihawmna thu zong a peta hi.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

MARK 14:62

Huleh Jesu’n, Ka hi; huleh mihing Tapa hi silbawltheihna jiatlama tou a, vaan meipi laha hung na mu diing, uh, a chi a.

MATTHAI 16:4

Khangthah gilou leh aangkawm haatte’n chiamchihna a hawl uh; hizongleh zawlnei Jonah chiamchihna loungal a dang a kipe sih diing, a chi a. Huleh amahuh a nusia a, a chiahta hi.

MATTHAI 8:20

Jesu’n a kawmah, Si-aalte’n kua a nei va, tungleeng vate’n bu a nei uh; hizongleh mihing Tapa’n a lu ngahna diing mun a nei sih, a chi a.

MATTHAI 16:28

Chihtahzetin na kawmvah ka soi ahi, Hi a dingte a khen chu, mihing Tapa a lalgam a, a hung a muh masiah uh, sihna chiam lou diing a um uhi, a chi hi.

MARK 8:37

Ahihlouleh, mi’n a hinna luang in bang a pe diai?

MARK 13:26

Huleh hutah chiangin mihing Tapa chu silbawltheihna nasatah leh loupina toh meipi laha hung a mu diing uh.

SILBAWLTE 10:22

Huleh amahun, Pathian apata angel siangthou khat in, Kornelia, sepaih zahoutu mi dihtah, Pathian laudan siam, Judami zousiah in a soiphat, kawmah na thusoi a jahna diinga, a inn a nang kousah diingin a hilh hi, a chi va.

THESSALONIKATE I 2:19

Ajiahchu ka kinepna uh aha, ka kipaahna uh aha, ahihlouhleh ka kipaahna lallukhuh uh bang ahiai? A hung chianga i Lalpa Jesu ma ah nanguh ngei na hi sih diviai mah?

THESSALONIKATE I 3:13

Huchi'n i Lalpa Jesu Khrist, a misiangthoute zousiah toh ahung chiangin Pathian, i Pa uh ngei ma ah na lungtangte uh sianthouna lama soisel beiin ahung sukip thei diing hi.

JOHN I 2:28

Huchi'n tate haw, amah ah um zing un; amah hung kilat chiang a kimuanna i neih theihna diing leh, ahung chiang a a ma a i zum louhna diingun.

THUPHUANDOH 14:10

Pathian lungthahna uain, a hehna noua bangmah toh hal louh kisung chu a dawn diing a; huleh angel siangthoute mitmuh leh Belaamnou mitmuh ah mei leh kaata suhnat in a um diing hi, chi'n aw ngaihtahin a kikou hi.