MARK 8:35 - Thuhun Thah (BSI)

³⁵ Ajiahchu mi koipouh a hinna humbit tum in a taan diing a; hizongleh mi koipouh keimah leh Tanchinpha jiaha, a hinna taan in a humbit diing hi.

MARK 8:35 Iomraidhean Croise

MATTHAI 10:22

Huleh ka min jiahin mi zousiah huat na hi diing uhi; hizongleh a tawp donga thuaah mualsuaah chu hutdam in a um diing uh.

MATTHAI 10:39

Koipouh a hinna mu in a taan diing a; huleh koipouh keimah jiaha a hinna taan in a mu diing hi.

MATTHAI 16:25

Ajiahchu koipouh a hinna humbit nuamin a taan diing a; huleh koipouh keimah jiaha a hinna taan in a mu diing hi.

MATTHAI 19:29

Huleh michin ka min jiaha, innte aha, unaute aha, sanggamnute aha, pa aha, nu aha, ji aha, tate aha, gamte aha nusia in chu a lehza a mu diing va, kumtuang hinna a tang diing uh.

MARK 8:36

Bang jiahin ahiai i chih leh mi’n khovel a pum in nei henla, amah hinna taan ngal leh bang a phatuam diai?

LUKE 17:33

Mi koipouh a hinna humbitna hawlin a taan diing a; huleh koipouh a hinna taanin a humbit diing uhi.

LUKE 9:24

Ajiahchu koipouh a hinna humbit ut in a taan diing a; hizongleh keimah jiaha a hinna taan in a humbit diing hi.

SILBAWLTE 20:24

Hizongleh ka kitaidemna kipaahtaha ka taitung theihna diing leh Lalpa Jesu apat a ka muh Pathian lungsiatna tanchinpha heetsah diing natohna ka toh zoh theihna diingin hi silte khat mahin ahung hihliing sih a, ka hinna zong ittahin ka ngai sih hi.

SILBAWLTE 21:13

Huin Paul in, Bang diinga na kah va, ka lung na siatsah uh ahiai? ajiahchu Jerusalem khua a kaan chauh hi louin, Lalpa Jesu min diingin sih zong ka ngaap ahi, chi'n a dawng hi.

SILBAWLTE 9:16

Ajiahchu ka min vangin gimna bangchi banga nasa aha a thuaah diing, a kawma theisah diing ka hi, a chi a.

KORINTHTE I 9:23

Nang u’toh tan ka neih theihna diingin tanchinpha jiahin hichu ka bawl ahi.

KORINTHTE II 12:10

Hujiahin haat louhnate ah, suhduhdahnate ah, taahsapnate ah, sawihnate ah, hahsatnate ah Khrist jiahin ka kipaah hi; ajiahchu ka haat louh hun tahchiangin ka haat hi.

TIMOTHI II 1:8

Hujiahin i Lalpa thuheetpihna chu zumpih sinla, amah mitaang kei zong hung zumpih sin; ahihvangin Pathian silbawltheihna bang jel a tanchinpha jiaha gimthuaahna thuaahpihtu hizaw in.

HEBRAITE 11:35

Numeite’n a misi uh thou kiit a mu va; mi dangte zong gimthuaahsah in a um va, thohkiitna hoihzaw a muhna diingun, hutkhiahna a deih sih uhi.

THUPHUANDOH 12:11

Huleh amahun Belaamnou sisan jiah leh, a heetpihna thu uh jiahin amah chu a zouta va; huleh sih tanphain a hinna uh a it sih uhi.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 7:14

Ke’n a kawmah, Pu, nangma’n na he hi, ka chi a. Ama’n ka kawmah, Hite chu gimthuaahna nasatah apat hung pawtdohte ahi va, huleh a puan uh Belaamnou sisana sawp in a ngousahta uhi.