MARK 8:31 - Thuhun Thah (BSI)

³¹ Huleh ama’n a kawmvah, Mihing Tapa in sil tampi a thuaah diing bang, upate leh, siampu lalte leh, lehkhagialtute deih louh a, a um diing bang, thah a, a um diing bang, huleh ni thum ni a, a thohkiit diing haw bang a hilh panta hi.

MARK 8:31 Iomraidhean Croise

MATTHAI 12:40

Ajiahchu Jonah suun thum leh jan thum ngapi gil sunga a um mahbangin mihing Tapa zong suun thum leh jan thum lei gil sungah a um diing hi.

MATTHAI 21:42

Jesu’n a kawmvah, Pathian lehkhabu ah, Inn lamtute suang deih louh, hu suang ngei chu a ning a suang poimohpen ahung hita; huchu Lalpa bawl ahi a, huleh i mitmuh un a thum ah hi, chih thu na sim kha ngei sih u'maw?

MATTHAI 27:63

Pu, hu miheemhaatpa’n a dam laia, Ni thum nungin ka thou kiit diing a chih ka he zing uhi.

MARK 12:10

Hi Pathian lehkhabu thu, Inn bawlte’n a suang deih louh u’chu a ning a suang poimohpen ahung hita hi.

LUKE 17:25

Hizongleh hu ma in sil tampi a thuaah diing a, tulai khang thahte deih louh in a um diing hi.

LUKE 24:26

Khrist in hi silte thuaah a, a loupina a, a luut diing him hilou ahiai mah? a chi a.

LUKE 24:44

Huleh ama’n a kawmvah, Mosi daan leh zawlneite lehkhabu leh psalm bu-a ka tungtaang kigial zousiah ahung taangtun diingdan nang u’toh ka umkhawm laia na kawmva ka thusoite chu hihaw ahi, a chi a.

JOHN 12:48

Koipouh kei hung deihlou a, ka thusoite zong pomlouin siamlouh tangsah khat a nei hi, ka thusoite mahmahin ni tawpni chiangin amah siamlouh a tangsah diing hi.

JOHN 2:19

Jesu’n a dawng a, a kawmvah, Hi biahinn susia un, ni thum sungin ka tungding diing, a chi a.

SILBAWLTE 7:35

Hi Mosi, houtu leh vaihawmtu diingin kuan ahung bawl ei? chi a, a huat uh chu, sawlbawh laha a kawma hung kilaah angel kithuahpihsah in, Pathian in amah ngei chu houtu leh hundohtu hikhawm diingin a sawlta hi.

KORINTHTE I 15:4

Huleh vui in a um a, Pathian lehkhathu dungjuiin ni thumni in a thou kiitta hi.