MARK 8:17 - Thuhun Thah (BSI)

¹⁷ Huleh Jesu’n a heet tahin a kawmvah, Bang diinga tanghou na neih louh jiah va kingaihtuah na hi viai? Tutan a hethei lou leh hesiam nailou na hi uh maw? Na lungtang uh taah nalai ahi maw?

MARK 8:17 Iomraidhean Croise

MATTHAI 12:15

Hizongleh Jesu’n hichu a heet in, hu apatin, a kihemmangta a; huleh mipi nasatah in amah a jui va, ana sudam veh hi.

MATTHAI 15:17

Kam a luut photmah gil sungah a luut a, huleh dailenna ah paihkhiah in a um chih, na theisiam nai sih u'maw?

MATTHAI 16:7

Huleh amahun chu, Tanghou i puaah louh jiahin ahi ve, chi'n a kingaihtuah va.

MARK 16:14

Hunung la min, ankuang a, a tou laiun, sawmlekhatte kawmah a kilaah a, a thohkiit nunga amah mute thu a gintaat louh jiahun, a gintaat louhna uleh, a lungtang khauh thu vah a taihilh hi.

MARK 2:8

Huleh Jesu’n a lungtang un huchibangin a ngaihtuah uh chih a lungsim in ana hepah a, a kawmvah, Bang diinga hi thute na lungtang va ngaihtuah na hi viai?

MARK 3:5

Huleh ama’n a lungtang khauhdan uh poisatahin, lungthah pum a, a et kimvel nungin, hupa kawmah, Na khut zandoh in, a chi a. Huleh ama’n a zandoh a: huchi'n a langkhat bangin a damta hi.

MARK 6:52

Ajiahchu amahun tanghou silmahte bang a he nawn sih uhi, a lungtang uh ana ngon taah jiahin.

MARK 8:16

Huin amahuh chu, Tanghou i neih louh jiah ahi, chi'n a kingaihtuah va.

LUKE 24:25

Huin ama’n a kawmvah, Aw mingolte leh, zawlneite thusoi zousiah tahsang diing a lungngongte;

JOHN 16:30

Huleh tuin chu sil bangkim na he a, koimah in ahung dot na kiphamoh sih chih ka hechianta uh; hikhu jiahin Pathian a kipana hung pawt na hi chih ka gingta uhi, a chi va.

JOHN 21:17

Ama’n a thumveina a kawmah, Simon Jona tapa, na hung lungsiat ei? a chi a. Ama’n a kawma a thumveina, Na hung lungsiat ei, a chih jiahin Peter chu a lungkham a. Huin ama’n a kawmah, Lalpa nangin sil zousiah na he a; ka hung lungsiat hi chih na he hi, a chi a. Jesu’n a kawmah, Ka belaamte vaah in,

THUPHUANDOH 2:23

Huleh a tate chu sihna in ka that diing a; huleh kouhtuam zousiah in kei chu lungsimgil leh lungtang hawlpa ka hi chih a he diing uh; huleh na bawnun na natoh dungjuiun ka hung pe chiat diing hi.