MARK 7:26 - Thuhun Thah (BSI)

²⁶ Hu numeinu chu Grik mi ahi a, nam lam thu ah Sirophoniki mi ahi; amahnu in a tanu sunga dawi nohdohsah diingin a ngen hi.

MARK 7:26 Iomraidhean Croise

MATTHAI 15:22

Huleh, ngai in, hu gam mah apatin Kana an numei khat ahung pawt a, kikou in a kawmah, Aw Lalpa, David Tapa, ka tungah zahngai in, ka tanu dawimatin a gim mahmah hi, a chi a.

MATTHAI 4:24

Huleh Syria gam pumpi ah a min a thangta a; huleh amahun natna chi tuamtuam a damlou zousiah leh dawi matte, sibup veite leh zengte a kawmah ahung pui va, ama’n ana sudam jel hi.

MARK 7:25

Huchi'n numei khat, a tanu naupang khat dawiniin paai ahi a, a tanchin ana ja a, huleh a hung a, a keeng bulaha bohkhup a.

MARK 7:27

Hizongleh Jesu’n amahnu kawmah, Tate hung vah phot u’heh; tate tanghou laahsah a uite kawma piah a kilawm sih, a chi a.

GALATIATE 3:28

Huah chu Judami, Grik mi a um nawn sih; saltaang leh zalen zong a um nawn sih; huleh pasal leh numei zong a um nawn sih hi; ajiahchu na bawnun Khrist Jesu ah pumkhat na hita uhi.

KOLOSSITE 3:11

Huah chu Grik mi leh Judami, zehtan leh zehtan louh, Meelmahmi leh Skithiami, huleh saltaang leh taanglou zong a um tuan sih hi; Himahleh Khrist chu bangkim ahi a, bangkim ah a um hi.