MARK 6:51 - Thuhun Thah (BSI)

⁵¹ Huleh kuang ah a kawmvah a tuangdoh a; huih chu a tawpta hi. Huin amahun soi theih louh khopin limdang a sa mahmah uh.

MARK 6:51 Iomraidhean Croise

MATTHAI 8:10

Jesu’n hi thu a jah tahin, limdang a sa a, amah juite kawmah, Chihtahzetin ka hung hilh ahi, Israelte laha zong hichilawm a ginna lian ka mukha sih.

MARK 1:27

Huleh a bawnun limdang a sa mahmah va, huchi'n, Hi bang ata ei leh? bangchi bang thuhilhna thah a ta ei? Ama’n thunei tahin dawiniinte nasan thu a pia a, a thu a mang uh, chi in a kidongtuah uh.

MARK 2:12

Huleh amah chu a thoupah a, a lupna la in a bawn va mitmuh ah a chiahdohta hi; huchi'n a bawnun limdang a sa va, Hichibang mawngmawng i mu ngei sih, chi'n Pathian a paahtawi uhi.

MARK 4:39

Huin amah chu ahung thou a, huih chu a tai a, diil kawmah, Daai inla, um kinke'n in, a chi a. Huin huih chu a tawpta a, ahung sipkeeita hi.

MARK 4:41

Huleh a lau mahmah va, khat leh khat kihouin, Hipa hi bangtobang mi ahiai, huih leh diil tanphain a thu a awi uh, a kichituah uhi.

MARK 5:42

Huin naupangnu chu a thou a, a paipah ngal a; amah chu kum sawmlenih mi ahita him a. Huin amahun nasatahin limdang a sa uh.

MARK 6:32

Huleh amahuh chu kuang in mun sipah a tuam chiahta va,

MARK 7:37

Huleh soi theih louh khopin thumah a sa va, Ama’n sil zousiah a bawl hoih ta; bilngong lah khua a jasah a, huleh haamthei lou laha haamsahta, a chi uhi.

JOHN 6:21

Huin amahun uttahin amah chu kuang ah a tuangsahta va; huleh kuang chu thakhat in a zot gam uh a tungpahta hi.