MARK 6:34 - Thuhun Thah (BSI)

³⁴ Huleh Jesu’n ahung pawtdoh in mipi nasatah a muta a, a chingtu bei belaam bang ahihjiahun a hehpih mahmah a; thu tampi a hilh panta hi.

MARK 6:34 Iomraidhean Croise

MATTHAI 14:14

Huleh Jesu ahung paikhiah in, mipi nasatah a mu a, a hehpih mahmah a, a damloute uh a suhdamsah hi.

MATTHAI 15:32

Huin Jesu’n a nungjuite a kawmah a kou a, Mipite tuin ka kawmah ni thum a umta va, neeh diing bangmah a neih louh jiahun, ka hehpih mahmah hi; huleh amahuh angawl in ka chiahsah nuam sih hi, huchilouin zaw lamkal ah a sawlsam kha diing uh, a chi a.

MATTHAI 9:36

Hizongleh ama’n mipite a muh in, a chingtu bei belaamte banga, chau leh kithehdalh a, a um jiahun a hehpih mahmah a.

MARK 6:33

Huleh mipite’n a chiah lai uh a mu va, mi tampi in amah a he va, khopi chin a kipan keeng in ahung tai va, ana makhelh in a kawmah ahung paikhawmta uhi.

MARK 6:35

Huin ni a vaigeih mahmah tahin a nungjuite a kawmah a hung va, Hi gamsip mun ahi a, hun laha vaigeita a;

MARK 8:1

Huchih hunlaiin mi a tam mahmah va, neeh diing bangmah a nei sih va, Jesu’n a nungjuite a kou a, a kawmvah,

MARK 8:2

Mipite tuin ka kawmah ni thum neeh diing nei lou a um ahih taah jiahun ka hehpih mahmah hi;

LUKE 9:11

Mipite’n huchu a heet tahun amah a juita va; huleh ama’n amahuh ana kipaahpih a, a kawmvah Pathian gam thu a hilh a, suhdam ngaite a sudam hi.

HEBRAITE 2:17

Huchihjiahin mite a diinga sual thuphatawina diinga, Pathian lam silte a siampulal mi khotuah thei leh ginumtah ahih theihna diingin, sil zousiah a, a unaute bangbang a bawl a ahung um chu amah diingin a poimoh him ahi.

HEBRAITE 4:15

Ajiahchu i haatlouhnate uh hung thuaahpih pha lou Siampu Lal nei i hi sih a; himahleh eihaw banga lam chintenga heemna tuaahsa, sual ahihleh sual lou, nei i hi zaw uhi.