MARK 5:7 - Thuhun Thah (BSI)

⁷ Huleh aw ngaihtaha kikouin, Jesu, Pathian Tungnungpen Tapa, nang toh kizolhna bang ahiai ka neih? hung sugim lou diingin Pathian minin ka hung ngen hi, a chi a.

MARK 5:7 Iomraidhean Croise

MATTHAI 16:16

Huin Simon Peter in a dawng a, Khrist, Pathian hing Tapa chu na hi, a chi a.

MATTHAI 26:63

Hizongleh Jesu chu a haam keei sih a. Huin siampu lalpen in a kawmah, Pathian hing min in ka hung vau ahi, Pathian Tapa Khrist na hihleh hih louh hung hilh in, a chi a.

MATTHAI 4:3

Huin heemtu chu a hung a, a kawmah, Pathian Tapa na hih leh hi suang te tanghou suaah diingin thu pia in," a chi a.

MATTHAI 8:29

Huleh, ngai in, amahun, Jesu, nang Pathian Tapa, keiuh leh nang bang ahiai kimatna i neih? hunchiam tunma a keiuh gawt diing a hitaha hung na hi maw? chi’n a kikou va.

MARK 1:24

Ka tangun hung umsah in; Nazareth Jesu, nang leh kei un bang ahiai kizopna i neih? kei uh sumang diing a hung na hi maw? Koi na hih ka hung he hi, Pathian misiangthou na hi, chi'n.

MARK 14:61

Hizongleh amah chu a sip bihbeh a, bangmahin a dawng sih hi siampu lalpen in, Nang Hampha Tapa, Khrist chu na hi maw? chi'n a dong kiit a.

MARK 3:11

Huleh dawiniinte’n amah a muh un, a ma a bohkhup in, Nang Pathian Tapa na hi, chi'n a kikou uhi.

MARK 5:6

Hizongleh ama’n gamlatah apat Jesu a muh tahin, a tai a, a va beta a;

MARK 5:8

Ajiahchu Jesu’n a kawmah, Nang dawiniin, hipa sunga kipan hung pawt in, ana chita a.

LUKE 1:32

Amah chu mi lian ahi diing a, Tungnungpen Tapa a kichi diing; huleh Lalpa Pathian in a kawmah a pa David laltouphah a pe diing a;

LUKE 4:34

Ka tangun hung umsah in; Nazareth Jesu, Nang leh kei un bang ahiai kizopna i neih? keiuh sumang diing a hung na hi maw? nang kua na hiai chih ka hung he hi, Pathian misiangthou na hi, a chi a.

LUKE 6:35

Hizongleh nangun chu na meelmate uh lungsiat unla, hoih bawl un, bangmah muh kiit kinem louin thunglaahsah un; huchi leh na kipaahman uh a loupi diing a, Tungnungpen tate na hi diing uhi; ajiahchu ama’n kipaahnadan heloute leh migiloute a hehpih veu hi.

LUKE 8:28

Huleh ama’n Jesu a muh tahin, a kikou a, a ma ah a puuh a, huleh aw ngaihtahin, Jesu, Nang Pathian Tungnungpen Tapa, kei leh nangin kizopna bang i nei ei? hung sugim lou diingin ka hung ngen ahi, a chi a.

JOHN 20:31

Hizongleh hite chu nangun Jesu chu Khrist, Pathian Tapa ahi chih na gintaat na diing uleh, na gintaat jiah va a mina hinna na neihna neihna diing va kigial ahi.

SILBAWLTE 16:17

Hu mi in chu Paul leh keiuh ahung jui a, kikou in, Hi mite, hutdamna lampi hung hilhte hi tungnungpen Pathian suaahte ahi uh, a chi a.

SILBAWLTE 19:13

Huin Juda vaah vai, dawithu he kuate aha in, Paul in a thu a tangkoupih veu Jesu minin ka hung vau uhi, chi'n, dawipaaite tungah Lalpa Jesu min a lou veu vial va.

SILBAWLTE 8:36

Huleh, lampi a, a pai laiun tui umna mun khat ahung tungva; huleh michilgeh in, Endua, hi ah tui um, baptisma ka tanna diing bangin ahung daal ei? a chi a.

ROMETE 16:20

Huleh hamuanna Pathian in Setan chu tomkal louin na keeng nuaivah ahung tuandeensah diing hi. I Lalpa uh Jesu Khrist hehpihna na tungvah um hen. Amen.

HEBRAITE 2:14

Huchi'n naupangte chu tahsa leh sisan tangkhawm ahih jiahun, amah ngei in zong hubangmah ahung tang hi; sihna jala sihna thuneitu, diabol, a suhmang theihna diingin leh;

HEBRAITE 7:1

Bang jiahin ahiai i chih leh, hi Melkisedek, Salem kumpipa, Pathian tungnungpen siampu, kumpipate va that zou a hung pai kiit Abraham na dawnpa in, amah chu a vangpiah a;

JAKOB 2:19

Pathian khat a um chih na gingta maw; na bawl hoih hi; dawite’n zong a gingta va, a kiliing hial uhi, a chi thei hi.

PETER II 2:4

Ajiahchu, angelte’n sil a suhsual laiun Pathian in a hawi sih a, gawtmun ah a pai a, vaihawmsaha um diingin kokhuuh mial ah a khum zaw hi;

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.

JUDE 1:6

Huleh angelte, a tanvou masa uh kem zing lou a, a umna mun uh nusete chu kumtuanga gaahna siihkhau a kaanin, mial nuaiah, ni loupi vaihawmna a diingin a siitta hi.

THUPHUANDOH 12:12

Hujiahin nanguh vaan leh a sunga teengte kipaah un. Leitung leh tui khang liana teengte tung a gih hi; ajiahchu hun tomtakhat a neita chih a heet jiahin Diabol chu lungthah mahmahin na kawmvah ahung suhta ahi.