MARK 5:23 - Thuhun Thah (BSI)

²³ Ka tanu naupang neu a si dehdeh a; ahung dam a, a hin theihna diingin, hung a a tunga na khut nga diingin ka hung ngen hi, chi'n hah nget in a ngen a.

MARK 5:23 Iomraidhean Croise

MATTHAI 8:3

Huin Jesu’n a khut aha a, a khoih a, Ka ut hi, siangthouta in, a chi a. Huin a phaah chu a siangthoupah ngal hi.

MARK 16:18

Guulte khut in a la diing va; sih theihna sil bangchi bang dawn zongle uh bangmah a chi sih diing uh; huleh damloute tungah khut a nga diing va, a dam jel diing uhi, a chi hi.

MARK 5:24

Huleh Jesu chu amah toh a chiah a; mipi nasatahin a jui va, a tuam huthut uhi.

MARK 6:13

Huleh dawi tampi a nohdoh va, damlou tampi thau nuh in a sudam jel uhi.

MARK 7:32

Huleh mi bilngong, haam zong haamchian thei lou khat a kawmah ahung pui va; a tunga a khut nga diingin a ngen va.

MARK 8:23

Huin ama’n mittawpa chu a khut in a tu a, kho polamah a puidoh a; Huleh a mit ah chil a siat a, a tungah khut a koih a, Khua na mu thei ei? chi'n a dong hi.

LUKE 13:13

Huleh a tungah a khut a koih a; huchi'n amahnu chu thakhat in ahung tangpah a; Pathian a paahtawita hi.

LUKE 4:38

Huleh amah chu a thou a, kikhopna inn apat a pawt a, Simon inn ah a luut a. Huleh Simon ji nu chu nasatahin ana khosih a; huchi'n amah diingin ana ngetsah va.

LUKE 4:40

Huleh nitumkuan ahung hihin natna tuamtuam a na damlou nei zousiah a kawmah ahung pui va; huleh ama’n a tung chiat vah a khut ana nga a, a sudamta hi.

LUKE 7:12

Huleh khopi kotkhaah kawm ahung tunin ngai in, misi khat ahung zawngdoh va, a nu tapa neihsun ahi a, amahnu chu meithai ahi a; huleh hu khua a mipi tampi a kawmah a um uh;

JOHN 11:3

Hujiahin a sanggamnute’n Jesu kawmah, Lalpa ngai in, na lungsiatpa a chi na hi, chi'n mi a sawl va.

SILBAWLTE 28:8

Huleh hichi ahung hi a, Publia pa chu nattun leh eehsi in ana lum a; Paul a kawmah ava luut a, a haamteia, a tungah a khut a nga a, a sudamta hi.

SILBAWLTE 6:6

Amahuh chu sawllehte ma ah a dingsah va, a haamtei zohun a tungvah a khut uh a nga uhi.

SILBAWLTE 8:17

Huin, sawllehte’n a tungvah a khut uh a nga va, Hagau Siangthou a tangta uhi.

SILBAWLTE 9:12

Huleh, manglam bangin, mi khat a min Anania kichi luut a, a mit suvaah diing a a tunga khut nga in a muta hi, a chi a.

SILBAWLTE 9:17

Huin, Anania chu a va chiah a, inn ah a luut a; a tunga a khut nga in, Unau Saul, na mit vaahna diing leh, Hagau Siangthou a na dim theihna diingin, Lalpa, na hungna lampi a na kawma kilaah Jesu ngeiin, ahung sawl ahi, a chi a.