MARK 5:15 - Thuhun Thah (BSI)

¹⁵ Huleh Jesu kawm ahung tung va, dawi mat, nuai paaipa chu puan silh a, lungsim ngeina pua a ana tou chu ahung mu va; huin a lauta uhi.

MARK 5:15 Iomraidhean Croise

MATTHAI 12:29

Ahihlouhleh, kuan mihaat chu a kaan masat louh leh, a inn a luut in, a neih a laahsah thei ngei ei mah? Ka an masa in huzohchiangin a inn chu a luhsah chauh diing ahi.

MATTHAI 26:53

Tuin zong angel saanggup mun sawmlenih sanga tamzaw hung sawlsah diing a ka Pa kawma ngen thei lou hung sa na hi uh maw?

MATTHAI 4:24

Huleh Syria gam pumpi ah a min a thangta a; huleh amahun natna chi tuamtuam a damlou zousiah leh dawi matte, sibup veite leh zengte a kawmah ahung pui va, ama’n ana sudam jel hi.

MATTHAI 9:33

Huleh dawi chu a nohdoh tahin, haamthei lou chu a hung haamta a; huin mipite’n thum ah a sa mahmah va, Israelte lahah hitobang sil a kimu ngei sih, a chi va.

MARK 5:14

Huin voh chingte chu a tai va, khopi sung leh kho neu ah hi thu a va hilh va; huin amahuh chu bang sil hung um a taimah, chia en diingin ahung uh.

MARK 5:16

Huleh a mute’n dawi matpa tunga sil tundan leh, voh umtan bang amahuh ana hilh va.

MARK 5:18

Huleh amah kuang a, a luut kuanin dawi paaipa’n a kawma um diing a ngen a.

MARK 5:4

Kol buh in, khainiang bangin ana kaanta va, hizongleh khainiangte chu a bottan a, huleh kolte a sugawp a, mi koimah in a thunun zou sih uhi.

MARK 5:9

Huleh ama’n, Na min bang ahiai? Huchi'n a dong a. Huleh ama’n, Ka min Nuai ahi, ajiahchu tampi ka hi uh, chi'n a dawng a.

LUKE 10:39

Huleh amahnu’n Mari kichi sanggamnu khat a neia, amah chu Jesu keeng bulaha tou a, a thusoi a ngai hi.

LUKE 8:27

Huleh amah gam a a kaidoh tahin hun sawtpi dawi paai koi ahakhat in khopi apat amah ana kituaahpih a; ama’n chu puan a silh sih a, huleh inn mawngmawng a zong a um sih a, haante chauh ah a um veu hi.

KOLOSSITE 1:13

Ama’n chu mial silbawltheihna a kipanin ahung hundoh a, a Tapa deihtah gam ah ahung luutsahta hi.

TIMOTHI II 1:7

Ajiahchu Pathian in launa hagau ahung pe sih a; hizongleh silbawltheihna leh, lungsiatna leh, lungsim sianthouna hagau ahung pe zaw hi.