MARK 4:8 - Thuhun Thah (BSI)

⁸ Huleh a dang chu lei hoih ah a tu a, huleh pouin a khangpahta a, huleh a leh sawmthum bang, sawmgup bang, huleh zakhat bangin ahung pungta hi, a chi a.

MARK 4:8 Iomraidhean Croise

MATTHAI 13:23

Hizongleh lei hoih tunga tupa chu, thu chu ja a hesiampa chu ahi; huchu gah zong a gah a, khenkhat a leh za bang, khenkhat a leh sawmguup bang, khenkhat a leh sawmthum bangin a pung hi, a chi a.

MATTHAI 13:8

Hizongleh a dang chu lei hoih ah a tu a, khenkhat a leh za bangin, khenkhat, a leh sawmguup bangin, khenkhat a leh sawmthum bangin ahung gahta hi.

MARK 4:20

Huleh lei hoih a kitheh chu hite ahi uh: thu chu ja in a pom va, a leh sawmthum bang, sawmguup bang, huleh za khat bangin a gah uh, a chi hi.

MARK 4:7

Huleh khenkhat chu lingnawng lahah a tu a, huleh ling ahung khang a, a deepmangta a, huleh gah a neita sih hi.

MARK 4:9

Huleh ama’n a kawmvah, Koipouh jahna diing a bil nei in ja heh, a chi a.

LUKE 8:15

Hizongleh lei hoiha tute chu hichibangte ahi uh; lungtang siangthou leh hoihin thu chu a ja va, a pom va, huleh kuhkaltahin gah a suang uhi.

LUKE 8:8

Huleh a dang chu lei hoih ah a tu a, ahung pou a, a lehza in a gahta hi, a chi a. Huleh hithute a soi zohin a kikou a, Koipouh jahna diing a bil nei in ja heh, a chi a.

JOHN 15:5

Kei grepgui chu ka hi, nanguh a bate na hi uh; koipouh keimah a um ngiitngeet leh, kei amah a ka um ngiitngeet napa chu tampiin a gah veu hi; ajiahchu keimah louin bangmah na bawl thei sih uhi.

JOHN 7:17

Mi koipouh in a deihzawng a bawl inchu thuhilhna chu Pathian a kuan ahiai, ahihlouhleh keimah phuaah thuh ka soi ahiai chih a he diing uh.

SILBAWLTE 17:11

Hu mite chu Thessalonika khua a mite sangin ana hoihzaw va, lungsim kipaahtahin thu chu a pom va, a thusoi uh chu a dih leh dihlouh heetna diingin, nichinin Pathian lehkhathu ah a hawl veu uhi.

EPHESITE 2:21

Amah ah chu inn lam zousiah kituaahtah a suhtuah in, Lalpa ah biahinn siangthouin a khang tou ahi.

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

KOLOSSITE 1:6

Hu tanchinpha chu khovel pumpi a gah a, a khan jel mahbangin, na jah va, thutah a Pathian hehpihna na hung heet ni vapat in na lahvah gah a pung jelin na kawmvah ahung tungta hi.