MARK 4:24 - Thuhun Thah (BSI)

²⁴ Huleh ama’n a kawmvah, Bang ahiai na jah uh pilvaang un; na tehna ngeimah un ahung tehsah diing va; huleh nanguh a ngaikhete kawmah ahung piah behlap diing uh.

MARK 4:24 Iomraidhean Croise

MATTHAI 7:2

Na soisel bangmah un soiselin na um diing uh; huleh na tehna ngeimah un ahung tehsah kiit diing uhi.

MARK 9:7

Huin meilum lom khat in amahuh ahung liah a; huleh meilum laha kipanin aw ahung ging a, Hichu ka Tapa deihtah ahi; a thu ngai un, a chi a.

LUKE 8:18

Hujiahin bangchi'n ahiai na jah uh pilvaangun; ajiahchu koi hizongleh a nei chu piahbeh ahi diing a, huleh koi hizongleh a nei lou chu neia a kingaih nasan laahsah ahi diing hi, a chi hi.

JOHN 10:16

Huleh hi belaam huang a lou belaam dang ka nei hi; amah u’zong ka hung pui diing a, ka aw a ja diing uh; huleh hon khat in a um diing va belaampu khat toh.

JOHN 10:27

Ka belaamte’n ka aw a ja uh, ke'n amahuh ka he hi; huleh amahun ahung jui uhi.

JOHN 5:25

Chihtahzetin chihtahzetin ka hung hilh ahi, Misite’n Pathian Tapa aw a jah na diing uh hun hung tung diing ahita, tuin zong a tung zing hi; huleh a ja photmah a hing diing uh.

SILBAWLTE 17:11

Hu mite chu Thessalonika khua a mite sangin ana hoihzaw va, lungsim kipaahtahin thu chu a pom va, a thusoi uh chu a dih leh dihlouh heetna diingin, nichinin Pathian lehkhathu ah a hawl veu uhi.

KORINTHTE II 9:6

Hizongleh hichu ka soi ahi, A theh tawm in a aat tawm diing a, a theh tam in a aat tam diing hi.

HEBRAITE 2:1

Hujiahin i thu jahsate ah lungluuttaha phatuam i ngaih sem diing uh ahi, huchilou inchu i tolhmangsah zenzenkha diing uhi.

PETER I 2:2

Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.