MARK 4:15 - Thuhun Thah (BSI)

¹⁵ Huleh lamgei a thu thehnate chu hitobang ahi uh; thu chu a jah tahun Setan a hungpah a, a lungtang va thu kitheh chu a lamangpah hi.

MARK 4:15 Iomraidhean Croise

MATTHAI 13:19

Koipouh in lalgam thu a jah a, a heetsiam louh leh, migiloupa a hung a, a lungtang a kithehsa chu a laahsah veu hi. Hichu lam gei a tupa chu ahi.

MATTHAI 22:5

Hizongleh amahun a ngaihsah sih va, khat a lou ah, khat a sumdawnna ah a kichiah mangta uhi;

MATTHAI 4:10

Huin Jesu’n a kawmah, Hitah apatin chiah mang in, Setan; Lalpa na Pathian chu na biah diing a, amah nna chauh natoh diing ahi, chih gelh ahi, a chi hi.

MARK 4:14

Buhchithehtu in chu thu a theh a.

MARK 4:16

Huleh huchibang mahin suang si leia kitheh chu hite ahi uh; amahun thu chu a jah tahun kipaahtahin a pompah uh;

MARK 4:4

Huleh hichi ahung hi a, a theh laiin khenkhat lampi gei ah a tu a, huleh hute chu tungleeng vate a hung a, a ne zouta uh.

LUKE 8:12

Huleh lampi geia tute chu thu jate ahi uh; huin diabol chu a hung a, thu chu a lungtang vapat a lamang hi, a gintaat va hutdama a um louhna diingun.

SILBAWLTE 17:32

Huleh, amahun misi lah akipata thohkiitna thu a jah tahun, kimkhat in a nuihsan va; huleh a dangin, Hi thu na kawmah ka ngaikhe kiit diing uhi, a chi va.

SILBAWLTE 5:3

Hizongleh Peter in, Anania, Hagau Siangthou heem diing leh, gam man khenkhat iim diingin, bang diinga setan in na lungsim sudim ahiai?

KORINTHTE II 2:11

Huchilou inchu Setan in eiuh ah hun lemtaang a mukha diing; ajiahchu a lungtup i haih sih uhi.

THESSALONIKATE II 2:9

Hu amahpa hungna chu Setan natoh dungjui a silbawltheihnate, chiamchihnate, silmah zuautheite,

HEBRAITE 12:16

Khatvei neeh mana a ta upa hihna zuahpa Esau bang a kingaihhaat aha, Pathian jahlou mi aha a umkha diing hi.

HEBRAITE 2:1

Hujiahin i thu jahsate ah lungluuttaha phatuam i ngaih sem diing uh ahi, huchilou inchu i tolhmangsah zenzenkha diing uhi.

PETER I 5:8

Pilvaang unla, kiveeng zingin um un; ajiahchu na khingpa uh diabol chu huumpibahnei hawh bangin a neeh theih diing hawl in a vaah lehleh hi;

THUPHUANDOH 12:9

Huleh dragon lian chu paihdoh in a umta a, hu guulpi teeh, Diabol leh Setan kichi, khovel pumpi heemtu chu; amah chu leitung ah paihkhiah in a umta a, a angelte zong amah toh paihkhiah in a um uhi.

THUPHUANDOH 20:10

Huleh amahuh heemtu diabol chu, gamsa leh zawlnei tahlou umna, mei leh kaat diila paihluut in a umta a, kumtuang kumtuang in suun leh janin suhnat in a um diing hi.

THUPHUANDOH 20:7

Huleh hu kum saang khat a bei chiangin Setan chu a taanna apat hahkhiah in a um diing a.