MARK 2:2 - Thuhun Thah (BSI)

² Huleh kotkhaah kiim tanpha a, umna diing um lou khopin mi tampi ahung kikhawmpah va; huleh ama’n a kawmvah thu a soi hi.

MARK 2:2 Iomraidhean Croise

MATTHAI 5:2

Huleh ama’n a kam a kaah a, amahuh thu a hilh a;

MARK 1:14

Huchi'n John suangkul a, a khum nungun, Jesu chu Pathian gam Tanchinpha soiin Galili gam ah a hung a,

MARK 1:33

Huleh khopi sunga mi zousiah chu kotpi bulah a kikhawm va.

MARK 1:37

Huleh amah a muh tahun a kawmah, Mi zousiah in nang ahung hawl uhi, a chi va.

MARK 1:45

Hizongleh amah chu a chiahdoh a, hu thu nasatah a taangkoupihin a phuangdalh panta hi; huchi'n Jesu chu a langtangin khopi sungah a luut theita sih a, gamdai munte ah a um zawta a; huleh mun chin a kipanin a kawmah mite ahung uhi.

MARK 2:1

Huleh ni bangzah aha nungin Kapernaum khua ah a luut kiit a, huleh inn ah a um chih thu ahung thangta a.

MARK 2:13

Huleh amah chu diil gei ah a chiahdoh kiit a; huleh mipi zousiah a kawmah a va chiah va, amahuh thu ana hilh hi.

MARK 6:34

Huleh Jesu’n ahung pawtdoh in mipi nasatah a muta a, a chingtu bei belaam bang ahihjiahun a hehpih mahmah a; thu tampi a hilh panta hi.

LUKE 12:1

Huchiah laia mipi simseeng louh khat leh khat kituanchil khop hiala ahung kikhop laiun, ama’n a masapenin a nungjuite kawmah, Pharisaite tol, lepchiahna lahah kiveeng un.

LUKE 5:17

Huleh ni khat chu hichi ahung hi a, thu a hilh laiin; Galili leh Judia gam kho chin leh Jerusalem a kipana hung Pharisaite leh daan siamte a kawmah a tou va; amahuh suhdamna diingin Lalpa silbawltheihna chu a kawmah a um a.

LUKE 8:1

Huleh hichi ahung hi a, hunungin Jesu chu thuhilh kawm leh Pathian gam tanchinpha soi kawmin kholian leh khoneu ah a vaah lehleh a, huleh sawmlenihte chu a kawmah a um uhi.

LUKE 8:11

Hu tehkhinthu chu hikhu ahi; Buhchi chu Pathian thu ahi a.

SILBAWLTE 11:19

Huleh Stephen jiaha a bawlsiat uh, a taithaangte chu Phoenicia gamte, Cyprus gamte, Antiok khuate tanphain a zin va, Judate kawm chauh ah lou chu kuamah kawmah thu a soi sih uh.

SILBAWLTE 14:25

Huleh Perga khua a thu a soi zohun, Attalia khua ah a chiahsuh uhi;

SILBAWLTE 16:6

Huleh amahun Phrigia gam leh Galatia gam a totsuaah zohun Hagau Siangthou in Asia gam a thusoi a khap a,

SILBAWLTE 8:25

Huin, amahun Lalpa thu chu a heetsah leh a soi zoh nungun, Jerusalem khua ah a chiah kiitta va, Samarite kho tamtah ah Tanchinpha a soita uhi.

ROMETE 10:8

Hizongleh bang ahiai a soi? Thu in ahung naih hi, na kam leh na lungtang ah a um hi; huchu ginna thu ka soi uh chu ahi.

TIMOTHI II 4:2

Thu chu soi in; a hun ah bang, a hun lou ah bang pang jel in; thuaahtheitaha thuhilh pum in a siam louhdan uh hesah inla, taihilh inla, hasot in.