MARK 2:12 - Thuhun Thah (BSI)

¹² Huleh amah chu a thoupah a, a lupna la in a bawn va mitmuh ah a chiahdohta hi; huchi'n a bawnun limdang a sa va, Hichibang mawngmawng i mu ngei sih, chi'n Pathian a paahtawi uhi.

MARK 2:12 Iomraidhean Croise

MATTHAI 12:23

Huleh mipi zousiah in thum ah a sa va, Hipa hi David tapa hilou ahi maw? a chi va.

MATTHAI 15:31

Huchia haamtheiloute hung haama, piangsualte hung hoiha, keengbaite keeng a hung pai leh, mittawte’n hung mu theita uh, chih a muh un, mipite’n thum ah a sa va; huchi'n Israelte Pathian chu a paahtawita uhi.

MATTHAI 9:33

Huleh dawi chu a nohdoh tahin, haamthei lou chu a hung haamta a; huin mipite’n thum ah a sa mahmah va, Israelte lahah hitobang sil a kimu ngei sih, a chi va.

MATTHAI 9:8

Hizongleh mipi’n huchu a muh un, thum ah a sa va, huchibang bawltheihna mihingte kawma petu Pathian a paahtawita uhi.

MARK 1:27

Huleh a bawnun limdang a sa mahmah va, huchi'n, Hi bang ata ei leh? bangchi bang thuhilhna thah a ta ei? Ama’n thunei tahin dawiniinte nasan thu a pia a, a thu a mang uh, chi in a kidongtuah uh.

MARK 2:11

Thou inla, na lupna la inla, na inn lamah chiahta in ka hung chi ahi, a chi a.

LUKE 13:13

Huleh a tungah a khut a koih a; huchi'n amahnu chu thakhat in ahung tangpah a; Pathian a paahtawita hi.

LUKE 17:15

Huleh a lahva khat in a damta chih ahung kiheet tahin a kihkiita, aw ngaihtahin Pathian a paahtawi a,

LUKE 5:26

Huin a bawnun limdang a sa mahmah va, Pathian a paahtawi uh; huleh, Tuni’n sil limdangtah mai i mu uhi, chi'n a lau mahmah uhi.

LUKE 7:16

Huin mi zousiah ahung lauta va, Pathian a paahtawi va; I lahah zawlnei loupitah ahung suaahta; huleh Pathian in a mite ahung vehta ahi, chih.

JOHN 7:31

Huleh mipi tam tahin amah a gingta va, Khrist ahung chiangin hipa bawl sanga tamzaw silmah a bawl diai? a chi uh.

JOHN 9:32

Khovel um tuung a kipan koima’n mittaw a piang mit a suhvaahsah chih a kija ngei sih.

SILBAWLTE 4:21

Huin, amahuh chu a vau naah sem va, a hahta uh, mipi jiahin gawtna lemtaang a mu sih uhi; a silbawl uh jiahin mi zousiah in Pathian a paahtawi ngal va.