MARK 16:7 - Thuhun Thah (BSI)

⁷ Hizongleh chiah unla, a nungjuite leh Peter kawmah, Galili gam ah na ma vah a chiah hi; na kawm va a soi bangin amah na mu diing uh, chih va hilh un, a chi a.

MARK 16:7 Iomraidhean Croise

MATTHAI 26:32

Hizongleh ka thohkiit nung chiangin Galili gam ah na ma vah ka chiah diing, a chi a.

MATTHAI 28:10

Huin Jesu’n a kawmvah, Lau sih un; chiah unla, ka unaute Galili gam a chiah diingin va hilh un, hu mun ah ahung mu diing uhi, a chi a.

MATTHAI 28:7

Huleh kintahin chiah unla, nungjuite kawmah, Misi lah apatin a thou kiitta; huleh, ngai un, Galili gam lamah na ma vah a chiah hi, hu mun ah amah na mu diing uh, chi'n va hilh un; ngai un, Ka hung hilh zouta hi, a chi a.

MARK 14:28

Hizongleh ka thohkiit nung chiangin Galili gam ah na ma vah ka chiah diing, a chi a.

MARK 14:50

Huin a bawnun amah a nusia va, a taita uhi.

MARK 16:8

Huin amahuh chu kintahin a pawt va, haan apatin a taita uh a; kiliing a thum ah a sah jiahun. Huleh a lau jiahun koimah kawmah bangmah a soi sih uhi.

JOHN 21:1

Hi silte nungin Jesu chu Tiberi diil ah, a nungjuite kawmah a kilaah kiit a; hichi bangin a kilaah hi.

SILBAWLTE 13:31

Huleh, amah toh Galili gam a kipat a Jerusalem khua a chiah pute kawmah ni tampi sung a kilaah veu a, hu mite chu tuin mite kawmah a thu heetpihtute ahi uhi.

KORINTHTE I 15:5

Huleh Kipha kawmah a kilaah a, huzohin sawmlenihte kawmah;

KORINTHTE II 2:7

Huchi'n na ngaihdam diing va, na hamuan zawh diing uh ahi, huchilou inchu, huchibang mi chu a lungkham taahluatna in a valhzoukha diing hi.