MARK 16:18 - Thuhun Thah (BSI)

¹⁸ Guulte khut in a la diing va; sih theihna sil bangchi bang dawn zongle uh bangmah a chi sih diing uh; huleh damloute tungah khut a nga diing va, a dam jel diing uhi, a chi hi.

MARK 16:18 Iomraidhean Croise

MARK 5:23

Ka tanu naupang neu a si dehdeh a; ahung dam a, a hin theihna diingin, hung a a tunga na khut nga diingin ka hung ngen hi, chi'n hah nget in a ngen a.

LUKE 10:19

Ngai un, guulte leh momaite totdeen theihna leh melma silbawltheihna zousiah tunga thuneihna ka hung pia hi; huchi'n bangmahin ahung suna het sih diing,

SILBAWLTE 19:12

Huchi'n a sa tung akipatin kisiaahna puante aha teenthuaahte aha bang damloute kawmah ahung tawi va, a natnate uh a dam jel a, huleh, a sung va kipat dawite zong a pawt jel uhi.

SILBAWLTE 3:12

Huleh, Peter in hu a muh in, mite a houpih a, Nanguh Israel mite, hikhu bang diinga limdangsa na hi viai? ahihlouhleh, keiuh silbawltheihna leh Pathian ka ngaihsah jiah va amah ka paisah uh bang hiala bang diinga hung en zing na hi viai?

SILBAWLTE 3:16

Huleh, Amah min gin jiahin, A min in hipa na muh uleh na heet uh chu a suhaatta ahi; ahi, Amah jiaha ginna hung um in, na bawnva mitmuh in a sudam vilvelta ahi.

SILBAWLTE 4:10

Na bawnun he un, huleh, Israelmi zousiah in zong he un, Nazareth Jesu Khrist, na kilhlup uh, Pathian in misi lah apat a kaithou kiit a, Amah min ngei in hi pa chu na bawnva ma ah dam in a dingta ahi.

SILBAWLTE 4:22

Silmah a, a suhdampa uh kum sawmli sanga tam zaw ahi ngal a.

SILBAWLTE 4:30

Mite sudam diing a na khut jah in; Na Ta siangthou Jesu min jala chiamchihna leh silmahte bawl in, a chi va.

SILBAWLTE 9:34

Huleh, Peter in a kawmah, Ainia, Jesu Khrist in ahung sudam hi; thou inla, na puanphah jial in, a chi a. Huchi'n, amah chu a thoupah hi.

ROMETE 16:20

Huleh hamuanna Pathian in Setan chu tomkal louin na keeng nuaivah ahung tuandeensah diing hi. I Lalpa uh Jesu Khrist hehpihna na tungvah um hen. Amen.

KORINTHTE I 12:9

Midang kawmah hu Hagau mahin ginna piah ahi a; midang kawmah hu Hagau mahin suhdamtheihna silpiahte piah ahi;