MARK 16:15 - Thuhun Thah (BSI)

¹⁵ Huin ama’n a kawmvah, khovel zousiah ah chiah unla, silsiam chinteng kawmah Tanchinpha soi un.

MARK 16:15 Iomraidhean Croise

MATTHAI 28:19

Hujiahin chiah unla, nam chin a mi nungjui in siam unla, Pa leh Tapa leh Hagau Siangthou min in baptis un;

MARK 13:10

Huleh Tanchinpha chu nam zousiah kawmah soi masat ahi diing hi.

JOHN 15:16

Nangun kei na hung teel sih va, ke’n nanguh ka hung teel zaw hi; huleh chiah a gah diing leh, na gah uh um zing diingin, huleh ka mina Pa kawma na nget photmah uh ahung piah theihna diingin nanguh ka hung guat hi.

JOHN 20:21

Huin Jesu’n a kawmvah, Na tungvah hamuanna um heh; ka Pa’n ahung sawl bangmahin nanguh ka hung sawl hi, a chi kiit a.

SILBAWLTE 1:2

Hagau Siangthou panpih a, A sawlleh teelte kawma thupiahte A piah zoh a, vaan a puitouh a A um ni tan a thu;

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

ROMETE 10:18

Hizongleh ka chi ahi, Israelte’n a ja sih va ahiai mah? Ja tham e, a thawm uh leitung pumpi ah a thangsuaah a, a thu uh kawlmong tandongin a thangta hi.

ROMETE 16:26

Hizongleh tua kumtuang Pathian thupiah dungjuia zawlneite lehkhathu in, ginna thumanna diinga nam zousiah kawma a suhlat leh heetsaha um dungjui a nanguh hung sukip theipa,

EPHESITE 2:17

Huleh amah chu hungin, nanguh gamlapia umte kawmah lemna tanchinpha ahung soi a, huleh naitakhat a umte kawma zong ahung soi hi.

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

KOLOSSITE 1:6

Hu tanchinpha chu khovel pumpi a gah a, a khan jel mahbangin, na jah va, thutah a Pathian hehpihna na hung heet ni vapat in na lahvah gah a pung jelin na kawmvah ahung tungta hi.

JOHN I 4:14

Huleh Pain Tapa chu khovel Hundampa diingin a sawl chih i muta va, huleh i hesah uhi.

THUPHUANDOH 14:6

Huleh angel dang khat, leitung a teeng nam chin, phung chin, haam chin leh michin kawma taangkoupih diing kumtuang tanchinpha neia vaanlaizawl a leeng ka mu a.