MARK 14:61 - Thuhun Thah (BSI)

⁶¹ Hizongleh amah chu a sip bihbeh a, bangmahin a dawng sih hi siampu lalpen in, Nang Hampha Tapa, Khrist chu na hi maw? chi'n a dong kiit a.

MARK 14:61 Iomraidhean Croise

MATTHAI 16:16

Huin Simon Peter in a dawng a, Khrist, Pathian hing Tapa chu na hi, a chi a.

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

MATTHAI 8:29

Huleh, ngai in, amahun, Jesu, nang Pathian Tapa, keiuh leh nang bang ahiai kimatna i neih? hunchiam tunma a keiuh gawt diing a hitaha hung na hi maw? chi’n a kikou va.

MARK 14:60

Huin siampu lalpen a lai ah a dingdoh a, Jesu kawmah, Bangma a dawng lou maw? Hite hung heehna bangchidan ahiai? chi'n a dong a.

MARK 15:2

Huin Pilat in, Judate Kumpipa na hi maw? chi'n a dong a. Huin ama’n a dawng a, a kawmah, Na chikha hi, a chi a.

JOHN 1:34

Huchu ka mu a, huleh hipa chu Pathian Tapa ahi chih ka heetpih ahi, a chi a.

JOHN 10:24

Huleh Judate a kiimvelaha hung va, a kawmah, Bangtan ahiai lungawpkai a na hung koih diing? Khrist na hihleh chiantahin hung hilh in, a chi va.

JOHN 10:36

Pa in a guat, khovel a, a sawlpa tungah, Pathian Tapa ka hi ka chih jiahin Pathian na soisia na hung chi uh ahi maw?

JOHN 18:37

Hujiahin Pilat in a kawmah, Ahihleh Kumpipa na hi maw? a chi a. Jesu’n a dawng a, Kumpipa na chih chu ka hi. Huleh hikhu diing a piang ka hi a, huleh thutah heetpih diing a khovel a hung ka hi. Koipouh thutah a photmahin ka aw a ja uh, a chi a.

JOHN 19:7

Judate’n amah a dawng va, daan khat ka nei uh, Pathian Tapa a, a kibawl jiahin ka daan dungjui un sitaah ahi, a chi va.

JOHN 19:9

Huleh vaihawmna inn ah a luut kiit a, Jesu kawmah, Khoi a hung kuan na hiai? a chi a. Hizongleh Jesu’n a dawng sih hi.

SILBAWLTE 8:32

Pathian lehkhabu a simna mun chu hih ahi, Thah diing belaam bangin Amah chu a pui va; huleh belaamnou a mulmeettu ma a, a sip khiinkhian bangin, Ama’n zong a kam a keeh sih;

TIMOTHI I 1:11

Ka kawma kolsah a um, paahtawitaah Pathian loupitah tanchinpha dungjuiin.

TIMOTHI I 6:15

Hu kilatna chu, amah huntah ah, phattuaah Thuneipa chauh, kumpipate Kumpipa, lalpate Lalpa’n ahung lah diing hi;

PETER I 2:23

Vau a, a um laiin a vauthuh sih a; a thuaah laiin zong a tai sih; hizongleh dihtattaha ngaihtuahpa kawmah a kikemsah zaw hi;