MARK 14:49 - Thuhun Thah (BSI)

⁴⁹ Ni chinin, biahinn ah thuhilh in ka um zinga, na hung man sih uh; hizongleh Pathian lehkhabu thu a taangtun ngei diing ahi, a chi a.

MARK 14:49 Iomraidhean Croise

MATTHAI 1:22

"Huleh hi sil zousiah chu Lalpa’n zawlnei kama ana soite a taangtunna diing a hung um ahi.

MATTHAI 26:54

Hizongleh huchi hitaleh, Pathian lehkhathu hitobanga hung um ngei diing chu bangchi'n a taangtung theita diai? a chi a.

MATTHAI 26:55

Hu daahkal mahin Jesu’n mipite kawmah, Guta man diing bang jenin, namsaau leh khetbuuh tawiin kei man diingin na hung u'maw? Nichin in Pathian biahinn ah thuhilh in ka tou a, na hung man sih va.

MATTHAI 26:56

Hizongleh zawlnei lehkhathu ahung taangtun theihna diing a hite zousiah hung um ahi, a chi a. Huin nungjuite zousiah in a nusia va, a taita uhi.

MARK 10:1

Huleh amah chu hu apat a kipandoh a, Judia gam kualsung Jordan gaal lampeh ahung tungta a; huleh mipite a kawmah ahung kikhawm kiit va; huchi'n ahih ngeimah bangin amahuh thu a hilh kiit hi.

MARK 11:27

Huleh Jerusalem khua ah a luut kiit va; huleh Pathian biahinn sunga, a vaah lehleh laiin, siampu lalte leh, lehkhagialtute leh upate a kawmah ahung va;

MARK 12:35

Huleh Jesu’n Pathian biahinn a thu a hilh laiin, amahuh a houpih a, Lehkhagialtute’n, Khrist chu David tapa ahi, bangchidan a, a chih uh a hiai?

MARK 14:48

Huleh Jesu’n amahuh a dawng a, a kawmvah, Guta man diing bang hialin namsaaute leh khetbuuhte keng in kei man diingin na hung kuan uh maw?

MARK 14:50

Huin a bawnun amah a nusia va, a taita uhi.

LUKE 19:47

Huleh ama’n ni chinin Pathian biahinn ah thu a hilh a. Hizongleh siampu lalte leh lehkhagialtute leh mipi houtute’n amah suhmang a tum uh.

LUKE 22:37

Bang jiahin ahiai i chih leh ka hung hilh ahi, Amah chu daan botsetute lahah a sim tel uh chih gelh chu ka tungah a taangtung diing him ahi; ajiahchu ka tungtaang thute tungkim ahita, a chi a.

JOHN 10:23

Jesu chu Pathian biahinn ah Solomon innliimah a vaah lehleh a.

JOHN 18:20

Jesu’n a dawng a, Alangtangin khovel ah thu ka soi a, Judate umkhawm zingna kikhopna innte leh Pathian biahinn ah thu ka hilh zing, a guuh in bangmah ka soi sih.

JOHN 7:37

Huleh gual vaahna ni loupi, ni nunungpenah Jesu chu a ding a, a kikou a, Koipouh a dang a taahleh ka kawmah hung henla, dawn heh.

JOHN 8:12

Huin Jesu’n a kawmvah, Kei khovel vaah ka hi; koipouh kei hung jui chu mial ah a khohei sih diing a, hizongleh hinna vaah a nei zaw diing hi, a chi a.

JOHN 8:2

Huleh jingkal matahin Pathian biahinn ah ahung kiit a, mi zousiah a kawmah a hung a; huleh amah chu a tou a, amahuh thu a hilh hi.