MARK 14:41 - Thuhun Thah (BSI)

⁴¹ Huin a thumveina in a hung a, a kawmvah, Tuin chu ihmu unla, khawlta un; a hunta hi, a hun zong a tungta; ngai un, mihing Tapa chu misualte khut a piahkhiah ahita.

MARK 14:41 Iomraidhean Croise

MATTHAI 26:2

Ni nih zou chiangleh chiahkaan ankuang luina um diing ahi, huleh mihing Tapa chu kilhbeh diing a matsah in a um diing hi, chih na he uh ahi, a chi a.

MARK 14:10

Huleh sawmlenihte laha khat, Juda Iskariot chu amah mansah diingin siampu lalte kawmah a va chiah a.

MARK 14:18

Huleh tou a, a neeh laiun Jesu’n, Chihtahzetin ka hung hilh ahi, An ka neehkhawmpih na lah va mi khat in ahung mansah diing hi, a chi a.

MARK 14:35

Huin malamah themkhat a chiahsuan deuh a, tual ah a puuh a, ahihtheih leh hu hunin amah a pelh theihna diingin a haamtei a.

MARK 14:40

Huin ahung kiihkiit a, amahuh chu ihmuin ahung mu jel a, (a ihmut uh a suaah mahmah jiahin) huleh amah dawnna diing zong a he sih uhi.

MARK 14:42

Thou un, i chiah diing uh; en un, kei hung mansahtu chu a naita hi, a chi a.

MARK 7:9

Huleh ama’n a kawmvah, Na thugousiah uh na juih theihna diingun Pathian thupiah tangtahin na paampaih uhi.

MARK 9:31

Ajiahchu a nungjuite thu a hilh a, a kawmvah, Mihing Tapa chu mite khut ah a kipedohta, huchi'n a that diing va, huleh a sih nung ni thum ni in a thou kiit diing, a chi a.

JOHN 12:23

Jesu’n amah uh a dawng a, Mihing Tapa paahtawia a umna diing hun a tungta hi.

JOHN 12:27

Tuin ka lungsim a mangbang hi; huleh bang ahiai ka soi diing? Pa, Hi hun lahah hung hundamin ka chi diing adiai? hizongleh hikhu diing jiaha hi huna hung ka hi ngal a.

JOHN 17:1

Hi thute Jesu’n a soi a, huleh vaanlam ngain a daah a, Pa, ahun a tungta, na Tapa paahtawi in, na Tapa’n zong Nangmah ahung paahtawi theihna diingin.

JOHN 7:30

Huin amah mat a tum va, hizongleh a hun a tun nai louh jiahin koima’n a tungah khut a nga sih uh.

JOHN 8:20

Hi thute Jesu’n Pathian biahinn a thu a hilh laiin sumkoihna munah a soi a; huleh koima’n a tungah khut a nga sih, ahun a tun nai louh jiahin.

SILBAWLTE 7:52

Na pulepate un zawlneite laha kua ahiai a suhduhdah louh uh um? huleh Mi dihtah hung diing thu soilawhte chu a sulum va; hu Midihtah mansahtu leh thattute tuin, nanguh ngei na hi uhi.