36 Huleh, Abba, Pa, sil zousiah nanga diingin a hithei hi, hi nou hi kei apatin lamang in; hizongleh kei thu hilouin, nangmah thu thu hizaw heh, a chi a.
Huin amah chu themkhat a chiah gamla deuh a, a khupboh a, Aw Pa, ahihtheihleh hi nou hung peelsah in; ahihvangin keimah thu hilouin nang thuthu hizaw heh, chi'n a haamtei a.
Huin Jesu’n amahuh a en a, Mihing diingin hichu bawl gual louh ahi a, hizongleh Pathian diingin ahi sih; ajiahchu Pathian diingin sil zousiah a hithei hi, a chi a.
Huin amahun a kawmah, Thei e, a chi va. Huin Jesu’n a kawmvah, Ka dawn diing nou chu na dawn ngei diing va; huleh ka baptisma tan diing zong na tang ngei diing uh;
Tuin ka lungsim a mangbang hi; huleh bang ahiai ka soi diing? Pa, Hi hun lahah hung hundamin ka chi diing adiai? hizongleh hikhu diing jiaha hi huna hung ka hi ngal a.
Ke’n ka thuin bangmah ka bawl thei sih; ka jah bangin vai ka hawm veu hi; huleh ka vaihawm chu a dih hi, ajiahchu keimah deihzawng hawl lou in, Pa ahung sawlpa deihzawng ka bawl zaw hi.
Huchu Pathian zuauthei ahih louhna kihengkiit thei lou sil nihte jiaha, eiuh kihumbitna diinga i ma a kinepna kikoih tu diinga taite’n hasotna nasatah i neihna diingun ahi.