MARK 14:18 - Thuhun Thah (BSI)

¹⁸ Huleh tou a, a neeh laiun Jesu’n, Chihtahzetin ka hung hilh ahi, An ka neehkhawmpih na lah va mi khat in ahung mansah diing hi, a chi a.

MARK 14:18 Iomraidhean Croise

MATTHAI 26:21

Huleh a neeh laiun, ama’n, Chihtahzetin ka hung hilh ahi, Na lahva mi khat in kei ahung mansah diing hi, a chi a.

MATTHAI 5:18

Chihtahzetin na kawmvah ka soi ahi, Vaan leh lei a man masiah daan thu a sutvom neucha aha, thaivom neuchakhat zong a mang sih diing, a bawn a, a taangtun kim masiah in.

MATTHAI 6:16

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi.

MATTHAI 6:2

Hujiahin mi kawma sil na piah chiangun milepchiahte’n, mi phat a loh theihna diing va kikhopna inn bang, kholai banga ahih veu bangun, na ma vah pengkuul muut sih un. Chihtahzetin ka hung hilh ahi, Amahun a kipaahman uh a mu zouta uh.

MATTHAI 6:5

Huleh na haamtei chiangun milepchiahte bangin na hih diing uh ahi sih; ajiahchu amahun mi’n a muh theihna diingin kikhopna innte, kotzing ningkawite banga dingin a haamtei ut sese uh; chihtahzetin ka hung hilh ahi, Amah un a kipaahman uh a muta uhi.

MARK 10:15

Chihtahzetin ka hung hilh ahi, Mi koipouh naupang neu banga Pathian gam sang lou chu, a sungah a luut het sih diing, a chi a.

MARK 10:29

Huleh Jesu’n a dawng a, Chihtahzetin ka hung hilh ahi, Mi koi hitaleh keimah jiah leh Tanchinpha jiaha inn aha, unaupate aha, unaunute aha, pa aha, nu aha, ji aha, tate aha, huleh gamte aha nusia chu,

MARK 14:17

Huin nitaah lam ahung hihin amah chu sawmlenihte toh ahung a,

MARK 14:19

Huleh amahuh chu a lungkham panta va, a kawmah, khatkhat in, Kei ka hi maw? a chi va, a banban in a dongta uhi.

MARK 14:25

Chihtahzetin ka hung hilh ahi, Pathian gam a a thah a ka dawn ni a tun masiah greptui ka dawn nawnta sih diing, a chi a.

MARK 14:9

Chihtahzetin ka hung hilh ahi, khovel pumpi a hi tanchinpha kisoina phot ah hi amahnu sil bawl zong a heetzingna diingin a kisoi diing hi, a chi a.

MARK 3:28

Chihtahzetin ka hung hilh ahi, Mihing tate a sualna zousiah uleh, Pathian soisiatna lama a soisiatna zousiahte uh ngaihdam ahi diing va;

MARK 6:11

Huleh koi hizongleh ahung tunsah louh va, na thu u’zong a ngaihkhiah louh uleh hu apat na pawt chiangun amah uh heetsahna diingin na keengtaw va leivui thingkhia un. Chihtahzetin ka hung hilh ahi, Vaihawmni chiangin hu khua thuaah diing sangin Sodom leh Gommorrah thuaah chu a dan a um zaw diing, a chi a.

MARK 8:12

Huin amah chu a lungsim in a khuaisa a, Bang diinga tulai khang thahte’n chiamchihna hawl ahi viai? Chihtahzetin ka hung hilh ahi, Hi tulai khang thahte kawmah chiamchihna mawngmawng a kipe sih diing hi, a chi a.

MARK 9:1

Huin ama’n a kawmvah, Chihtahzetin ka hung hilh ahi, Hi muna dingte khenkhat chu Pathian gam silbawltheihna toh hung tung a muh masiah uh sihna chiam lou diing a um uh, a chi a.

MARK 9:41

Mi koipouh ka min a hih jiah va, ka min a tuisih nou khat dawn diing a hung pia inchu, chihtahzetin ka hung hilh ahi, a kipaahman muh diing a taan hial sih diing hi.

LUKE 11:51

Abel sisan kisuah apat maitaam leh Pathian biahinn kikala si Zakaria sisan tanin; a chi hi chihtahzetin ka hung hilh ahi, hi Phuba chu tulai khang thahte tungah a kila diing hi.

LUKE 22:21

Hizongleh, ngai un, ahung mansahtu diing khat chu ka kawmah dohkaan tungah a um hi.

LUKE 4:24

Huin ama’n, Chihtahzetin ka hung hilh ahi, zawlnei koimah amah gam sungah kipaahpih in a um ngei sih,

JOHN 1:51

Huleh Jesu’n a kawmah, Chihtahzetin, chihtahzetin ka hung hilh ahi, Tunung vaan kihong a, Pathian angelte mihing Tapa tunga kal leh kum na muta diing uhi, a chi hi.

JOHN 13:18

Na bawnva thu ka soi sih; ka teelte ke'n ka he hi, hizongleh huchu, Ka tanghou neehpihpa’n ka tungah a khetuul a lehta, chih Pathian lehkhathu a taangtun theihna diing ahi.

JOHN 13:21

Jesu’n hichibanga a soi zohin a lungsim a mangbang a, Chihtahzetin, chihtahzetin ka hung hilh hi, na lahva khat in ahung mansah diing, chi'n a hesahta a.

JOHN 13:22

Nungjuite’n koipen ahiai a soi chih he louin a kientuah va.

JOHN 13:38

Jesu’n amah a dawng a, Keimah jiahin na hinna na pekhe diing maw? Chihtahzetin, chihtahzetin ka hung hilh hi, Nangma'n thumvei na hung kiheetmohbawl ma in aah a khuang sih diing hi.

JOHN 21:18

Chihtahzetin, chihtahzetin ka hung hilh ahi, Na naupan laiin nang le nang na kawng na kigaah a, na utnalam lamah na chiah veu; hizongleh na hung upat chiangin chu na khut na jah diing a, midangin ahung gaah diing a, na ut louhna lam lamah ahung pui diing hi, a chi a.

JOHN 3:11

Chihtahzetin, chihtahzetin ka hung hilh ahi, Kei unchu ka heet uh ka soi va, ka muh uh ka hesah uh; ahihvangin nangun ka thu heetsah uh na awi sih uh.

JOHN 3:3

Jesu’n a dawng a, a kawmah, Chihtahzetin, chihtahzetin ka hung hilh ahi, mi koipouh in a pianthah louhleh Pathian gam a mu sih diing hi, a chi a.

JOHN 3:5

Jesu’n a dawng a, Chihtahzetin, chihtahzetin ka hung hilh ahi, mi koipouh tui leh Hagau a, a pian louhleh Pathian gam a luut sih diing hi.

JOHN 5:19

Huin Jesu’n a dawng a, a kawmvah, Chihtahzetin chihtahzetin ka hung hilh ahi, Tapa in amah thuin bangmah a bawl thei sih, Pain a bawl a muhte loungal; ajiahchu ama’n a bawl photmah, hute chu Tapa in zong a bawl veu hi.

JOHN 6:26

Jesu’n a dawng a, a kawmvah, Chihtahzetin chihtahzetin ka hung hilh ahi, Silmahte na muh jiah va hung hawl na hi sih va, hizongleh tanghou na neeh va, na vah jiahun na hung hawl uh ahi zaw hi.

JOHN 6:32

Huin Jesu’n a kawmvah, Chihtahzetin, chihtahzetin ka hung hilh ahi, Mosi in hu tanghou vaan a kipanin ahung pe sih a, hizongleh ka Pa in vaan a kipanin tanghou dihtah ahung pe zaw hi.

JOHN 6:47

Chihtahzetin, chihtahzetin ka hung hilh hi, Koipouh kei hung gingta in kumtuang hinna a neita.

JOHN 6:70

Jesu’n amahuh a dawng a, Nanguh sawmlenihte ka hung teel na hi sih viai mah? huleh na lahva khat diabol ahi, a chi a.