MARK 13:9 - Thuhun Thah (BSI)

⁹ Hizongleh kipilvaang un; ajiahchu vaihawmtute khutah ahung pedoh diing va, kikhopna innte ah ahung vo diing va; huleh keimah jiahin houtute leh kumpite ma ah amah uh heetsahna diingin a hung kipui diing hi.

MARK 13:9 Iomraidhean Croise

MATTHAI 5:22

Hizongleh ke’n chu na kawmvah ka soi ahi, Koipouh a jiah bei a, a unau tunga lungthah chu vaihawmkhumna lauthawnghuaitah ah a um diing; huleh koipouh a unau kawma, 'Raka (Man louh),' chi chu vaihawmtute vaihawmkhumna lauhuaitah ah a um diing; huleh koipouh, 'Nang mingol,' chitu chu gawtmun mei diila paih lauthawnghuaitah ah a um diing uhi.

MARK 1:44

Huleh a kawmah, En in, koimah kawmah bangmah soi het sin; hizongleh chiah inla, siampu kawmah va kilah inla, na damsiang thu amah uh heetsahna diingin Mosi’n thu a piah silte va laan in, a chi a.

MARK 13:5

Huleh Jesu’n amahuh a dawng a, a kawmvah, Koima’n ahung heem louhna diingun pilvaang un.

MARK 13:8

Ajiahchu nam tuam leh nam tuam a kidou diing va, gam tuam leh gam tuam a kidou diing uh; huleh mun tuam tuam ah ziil a kiliing diing a, kialte leh buainate a tung diing: hi silte chu gentheihna kipatna ahi.

MARK 6:11

Huleh koi hizongleh ahung tunsah louh va, na thu u’zong a ngaihkhiah louh uleh hu apat na pawt chiangun amah uh heetsahna diingin na keengtaw va leivui thingkhia un. Chihtahzetin ka hung hilh ahi, Vaihawmni chiangin hu khua thuaah diing sangin Sodom leh Gommorrah thuaah chu a dan a um zaw diing, a chi a.

LUKE 9:5

Huleh ahung kipaahpih lou photmah chu hu khopia kipan a na chiahdoh chiangun amahuh heetsahna diingin na keengpeeh va leivui tatkhia un, a chi a.

JOHN 15:20

Suaah a pu sangin a lianzaw sih chih na kawmva ka thusoi he zing un. Amahun kei ahung sawi unchu nanguh zong ahung sawi diing uh; ka thusoite a juih uleh nanguh soi zong a jui diing uh.

JOHN 16:2

Kikhopna innahte ahung nohdoh diing va; ahi, koipouh nanguh hung thatin Pathian tunga silhoih bawl a, a kingaihtuah hun uh ahung tung diing hi,

SILBAWLTE 21:11

Huleh amah ka kawmvah ahung a, Paul kawnggaah a la a, a khutte leh a keengte a kikaan a, huleh, Hi kawnggaah neitu hi Jerusalem khua a Judate’n hichi bangin a kaan diing va, Jentelte khutah a pekhe sawn diing uhi, Hagau Siangthou in a chi hi, a chi a.

SILBAWLTE 7:54

Hi thute a jah tahun a sin uh a khoih a, Stephen chu ha a gial khum va.

SILBAWLTE 9:16

Ajiahchu ka min vangin gimna bangchi banga nasa aha a thuaah diing, a kawma theisah diing ka hi, a chi a.

PHILIPPITE 1:29

Ajiahchu, Khrist jiaha nangun amah na gintaat chauh uh hilou a, amah vang a thuaah zong na thuaah diing uh ahi chih piah na hi uhi.

THESSALONIKATE II 1:5

Hichu Pathian gam mi hitaah a guat na hihtheihna diing va Pathian vaihawmna dihtah chiamchihna chiantah ahi, hu diing maha zong thuaah na hi uhi;

JOHN II 1:8

I tohkhiahsate mangsah lou a, kipaahman a kim a i muhtheih zawh na diingun kiveeng un.

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 2:13

Na natoh leh na umna mun, Setan touna ngei chu ka he hi; huleh ka min na pomkip a, ka martar ginum, Antipa, Setan teenna na lahva thah a, a um laiin zong na hung ginna na phatsan sih hi.