MARK 12:37 - Thuhun Thah (BSI)

³⁷ Hujiahin David ngei in amah chu Lalpa a chih ahi; khoi a kipan a, a ta hi a ta diai le? a chi a. Huleh mipi vaantaang in kipaahtahin a thu a ngaikhia uhi.

MARK 12:37 Iomraidhean Croise

MATTHAI 1:23

Ngai un, nungaah siangthou a gaai diing a, tapa a nei diing a, a min Immanuel a chi diing uh, huchu i kawmah Pathian a um chihna ahi."

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 21:45

Huleh siampu lalte leh Pharisaite’n a tehkhinthute a jah un, amahuh tung thu soi ahi chih a kihe va.

MATTHAI 21:46

Hizongleh amah chu mat a tup uleh, mipite a lau ngal uhi, amahun zawlnei a, a ngaih jiahun.

LUKE 19:48

Himahleh mipi zousiah in phatuamngaitaha a thu a ngaihkhiah zing jiahun a lohnadan diing a he sih uhi.

LUKE 21:38

Huleh mipite zousiah chu jingkalin a kawmah biahinn ah a thu ngaikhe diingin ahung uhi.

JOHN 12:9

Hujiahin Judate tampiin amah hutah ah a um chih a heta va; Jesu jiah chauh hilouin, misi lah apat a kaihthoh Lazar zong a muhnop jiahun ahung uh.

ROMETE 9:5

Pulepate amahuh a ahi a, huleh tahsalam thu ah Khrist zong amahuh laha kipana hung pawt ahi; amah chu sil zousiah tunga um, kumtuanga paahtawi taah Pathian ahi. Amen.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

JAKOB 2:5

Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

THUPHUANDOH 22:16

Kei Jesu in kouhtuamte diinga hi thute na kawma hung hesah diingin ka angel ka hung sawl hi. Kei David zungpi leh a haah, huleh jingsol aahsi taang chu ka hi, a chi a.