MARK 12:35 - Thuhun Thah (BSI)

³⁵ Huleh Jesu’n Pathian biahinn a thu a hilh laiin, amahuh a houpih a, Lehkhagialtute’n, Khrist chu David tapa ahi, bangchidan a, a chih uh a hiai?

MARK 12:35 Iomraidhean Croise

MATTHAI 26:55

Hu daahkal mahin Jesu’n mipite kawmah, Guta man diing bang jenin, namsaau leh khetbuuh tawiin kei man diingin na hung u'maw? Nichin in Pathian biahinn ah thuhilh in ka tou a, na hung man sih va.

MATTHAI 9:27

Huleh Jesu hutah apat a pawt in, mittaw nih in a jui va, David Tapa, ka tungvah zahngai in, chi'n a kikou va.

MARK 10:1

Huleh amah chu hu apat a kipandoh a, Judia gam kualsung Jordan gaal lampeh ahung tungta a; huleh mipite a kawmah ahung kikhawm kiit va; huchi'n ahih ngeimah bangin amahuh thu a hilh kiit hi.

MARK 11:27

Huleh Jerusalem khua ah a luut kiit va; huleh Pathian biahinn sunga, a vaah lehleh laiin, siampu lalte leh, lehkhagialtute leh upate a kawmah ahung va;

MARK 14:49

Ni chinin, biahinn ah thuhilh in ka um zinga, na hung man sih uh; hizongleh Pathian lehkhabu thu a taangtun ngei diing ahi, a chi a.

LUKE 19:47

Huleh ama’n ni chinin Pathian biahinn ah thu a hilh a. Hizongleh siampu lalte leh lehkhagialtute leh mipi houtute’n amah suhmang a tum uh.

LUKE 20:1

Huleh hichi ahung hi a, Pathian biahinn a mite thu a hilh a, tanchinpha a soi laiin, ni khat chu siampu lalte leh lehkhagialtute upa haw toh a kawmah ahung va.

LUKE 21:37

Huleh ama’n suun laiin Pathian biahinn ah thu a hilh a; jan chiangin a pawtdoha, Olive taang kichi ah ava giah veu hi.

JOHN 18:20

Jesu’n a dawng a, Alangtangin khovel ah thu ka soi a, Judate umkhawm zingna kikhopna innte leh Pathian biahinn ah thu ka hilh zing, a guuh in bangmah ka soi sih.

JOHN 7:42

Pathian lehkhathu in, Khrist chu David haahte lahah leh David teenna khua Bethlehem ah ahung piangdoh diing, a chi sih eimah? a chi uh.